【Emily】警函柏克萊招港生 學生組織拒助宣傳
[2020.04.27] 發表
【明報專訊】政府計劃喺2020/21年度增聘2000幾個警員，唔知係咪難喺香港請人，香港警察去搵美國大學幫手宣傳警隊嘅工作機會。「加州大學柏克萊分校香港事務組織(Hong Kong Affairs Association of Berkeley)」收到校方通知，香港警察去信校方嘅事業策劃中心，話喺全球招聘緊香港學生做見習督察。校方於是問吓「香港事務組織」有無興趣幫手宣傳，組織斬釘截鐵回覆話，唔會幫警察做宣傳工作。
𠵱家喺美國加州大學柏克萊分校(UC Berkeley)攻讀博士嘅學聯前秘書周永康，噚日亦喺社交媒體分享呢單香港警察去信校方嘅事，佢話柏克萊成員有一個行事原則，就係做人要有誠信、正直同尊重別人，話香港警察無樣做到。
周永康：誠信正直係柏克萊原則
香港警察喺信中提到，如果該校學生有興趣考見習督察，可以參加警方嘅師友計劃，加深對警隊嘅認識。校方嘅事業策劃中心收到信後，就問校內學生組織「香港事務組織」有無興趣幫手宣傳吓，組織斬釘截鐵回覆話，唔會幫手宣傳，話同學對警隊工作無興趣，仲建議校方唔好幫香港警隊宣傳。
警隊：屬其中一項恒常招募活動
警察公共關係科回應話， 警隊一向採取積極主動嘅招募策略，每年都舉辦一系列招募活動，例如招募講座、經驗分享會，並會透過唔同宣傳媒介同社交媒體宣傳。警隊學長計劃(內地/海外網絡)屬其中一項恆常嘅招募活動。警隊會繼續因應人力資源市場嘅狀况，採取相應嘅招募策略。
更多港聞
【Emily】首播登珠峰紀錄片 攀山總會為港打氣
【明報專訊】疫情之下，市民生活大受影響，中國香港攀山及攀登總會將舊年5月攀山隊登上8488米珠穆朗瑪峰頂嘅經過，剪輯成紀錄片，噚日喺YouT... 詳情
【明報專訊】選民登記將會喺5月2日（周六）截止，各黨派都盡最後努力衝刺，幫巿民登記做選民。中西區一班獨立民主派區議員，就趁今日文憑試通識科開...
詳情
【Emily】第一次整咖啡 柯仔整400次咖啡
【明報專訊】好多市民近排多咗時間喺屋企鑽研廚藝，韓國嘅「400次咖啡」更成為大熱。平時唔飲咖啡嘅民建聯立法會議員柯創盛都跟風，教大家整「40... 詳情相關新聞
