【Emily】代表體育界 馬逢國：唔熟體育界
[2020.04.20] 發表
【明報專訊】體院主席林大輝最近主持香港開電視嘅體育訪談節目《大輝主場》，日前就訪問立法會「體育、演藝、文化及出版界」議員馬逢國，大輝一開始就問對方，有無足夠代表性代表體育界，馬逢國話自己的確唔係好熟悉體育界，但好難有一個議員可以完全覆蓋呢4方面，形容自己從事過演藝、文化同出版3方面，但對體育就只係愛好者、參與者或者一個體育觀眾。
話從事過演藝、文化同出版
曾參加10公里馬拉松、渡海泳
對於怕唔怕認受性低，得唔到體育界支持，馬逢國話當選後亦有跟進政府興建啟德體育園；又話曾參加10公里馬拉松、渡海泳等，亦有提出促請政府檢討體育政策嘅動議。
林大輝問到，大型體育盛事如奧運等，政府有咩角色，係咪可以購入轉播權後，再交港台播放。馬逢國話政府唔應該與民爭利，話呢個係市民福祉，覺得幾個電視台應坐低，大家分工合作做好轉播，亦保持競爭力。呢個答案大輝就唔多滿意，認為政府財政充裕，購買轉播權對政府嚟講係九牛一毛。
馬逢國就話，政府全包一定得，但電視台會無積極性，又話港台「平均收視不理想」，建議例如港隊參賽15個項目，3個電視台係咪可平分咁播放？又認為政府現時係「回應式管治」，只要聲音、壓力足夠，政府一定會回應。
更多港聞
【Emily】曾被DQ科大本地生 再高票當選校董
【明報專訊】科大噚日公布校董會學生代表重選結果，上次當選但被DQ嘅科大學生會前幹事符佩瑩，以超過5000票再次高票當選，拋離第二高票嘅內地生... 詳情
【Emily】Tanya約KM跑步 嚴守限聚令
【明報專訊】佔中發起人之一陳健民（KM）3月中刑滿出獄後少有露面，噚日就喺facebook上載跑步相，話「你們無所不出其極打壓，我們會咬着牙... 詳情
【明報專訊】孩子留喺屋企抗疫，有時都幾鬱悶，一直幫助基層學生嘅陳校長免費補習天地（補天）創辦人陳葒話，基層家庭無私家車，亦無錢坐的士，去偏遠...
詳情
相關新聞
