【Emily】前公民黨區議員獲委常任裁判官
[2020.04.18] 發表
【明報專訊】司法機構噚日宣布委任周慧珠、翟國怡、林澤銘、楊綺娜、蕭志韻、龍軍庭、屈麗雯、余俊翔及施祖堯為常任裁判官。有關任命係由行政長官根據司法人員推薦委員會嘅推薦而作出。所有任命均於今年4月20日起生效。
Emily翻查資料，發現獲委任嘅9名常任裁判官，其中8人現時已經喺司法機構擔任暫委死因裁判官、小額錢債審裁處同勞資審裁處暫委審裁官、區域法院聆案官同裁判法院裁判官，今次可謂「坐正」。
其中一個「坐正」嘅係余俊翔，現時係東區裁判法院裁判官，佢曾經喺2014年代表公民黨參加離島區議會東涌北補選並獲勝，但一年後爭取連任失敗。
更多港聞
相關新聞
