【Emily】監考員收「救救口罩」 考評局：可換
[2020.03.19] 發表
【明報專訊】網上熱傳係劣質口罩嘅「救救口罩」，被網民發現係大陸製造，但係盒面寫日文，質疑救救口罩扮日本出品。有擔任文憑試監考員嘅日校老師同Emily講，學校近日收到考評局派發畀監考員嘅「救救口罩」。佢話因為未開考，無打開盒口罩檢查，但話網上熱傳係「黑心口罩」，考評局都要派去學校，質疑考評局時事冷感、草菅人命。
Emily問過考評局係咪派過「救救口罩」，考評局就承認有向考務人員提供有關牌子口罩，仲話試場學校如果發現獲派嘅外科口罩有破損或沾污，或者對口罩質素有疑慮，可於下星期一(23日)起去考評局辦事處更換。不過該名老師似乎唔太滿意考評局安排，覺得「吓吓都要人投訴先改善，即係有人無心做好份工，得過且過，自律不足」。
更多港聞
【Emily】民記質疑「無牌賣」搓手液 議員賴文輝：供訂購 成本價
【明報專訊】區議員近月頻頻為街坊撲口罩、酒精搓手液等防疫用品，民主黨荃灣區議員賴文輝前日就喺荃灣區議會門外嘅天橋位，擺檔賣每支6蚊嘅酒精搓手... 詳情
【明報專訊】落選屯門區議員、新民黨甘文鋒一向反對強積金對冲，佢因為落選而遣散助理，但政府話一定要對冲助理嘅強積金先可以向政府報銷，所以佢就自...
詳情
【Emily】內地中成藥贈港檢疫者 今起網上登記
【明報專訊】新冠肺炎疫情持續，國家中醫藥管理局早前贈送一批中成藥畀本港，「香港中醫藥界抗疫聯盟」會將藥物連同防疫物資，送畀正接受家居檢疫嘅人... 詳情相關新聞
