【Emily】撐23條簽名街站有口罩派 話唔係交換 私伙嘢順手送出幫市民

民主黨區議員曾自鳴向Emily透露，噚日立法會議員何君堯（持咪者）喺太子開街站，呼籲市民簽名支持23條立法，但未確定其間有冇派口罩。Emily噚日都嘗試聯絡何君堯，但未能聯絡上。（曾自鳴提供）

【明報專訊】支持《基本法》23條立法嘅團體「23同盟」，噚日喺各區擺街站收集簽名。但有區議員質疑，聯盟藉派口罩要求市民簽名支持23條立法；聯盟成員、香港政研會主席鄧德成解釋，口罩係新界關注大聯盟私人送出，認為既然擺街站，不如派口罩幫吓市民。

民主黨區議員曾自鳴噚日收到街坊報料，話各區有「支持23條立法」街站，假借派防疫物資，要求市民簽名支持23條立法；屯門區議員巫堃泰都話有親北京政治組織以派口罩為名，收集支持23條立法嘅簽名。

話街站反應極好

鄧德成同Emily講，口罩係新界關注大聯盟主席鄧鎔耀送出，話既然出去擺街站，不如都派口罩幫市民，強調唔係簽名支持23條就有嘢送， 「好多人簽咗都冇」，如果市民有需要可以開聲，都會照畀，又話街站反應「overwhelmingly(壓倒性地)好」。咁多人喺街聚集會唔會擔心疫情風險？鄧德成強調如果見到簽名市民冇戴口罩，都會畀一個叫對方戴咗先，義工亦會以消毒噴霧幫市民噴雙手。

街站旁有防暴警當值

此外，有fb群組上載照片，話「23同盟」喺大埔擺街站時，有唔少防暴警在場當值，仲有人上載照片，話人稱「光頭劉sir」嘅警長劉澤基其間畀唔少市民捉住合照。

更多港聞

【Emily】繼續國際線 之鋒叫繼續聯署

【明報專訊】美國去年通過《香港人權與民主法案》，即將會對香港嘅自治狀况作首次年檢。「民間集會團隊」噚晚舉行「美國戰線，如箭在弦」網上集會，呼... 詳情

【Emily】陳健民回歸平靜書桌 冀毋負天職

【明報專訊】佔中發起人之一陳健民（KM ）上周六刑滿出獄，噚日喺社交網站再同大家講兩句感受。KM 話重獲自由，同家人重聚，「有許多眼淚」。佢... 詳情

【Emily】羅湖懲教所改機 產小童口罩

【明報專訊】特首林鄭月娥喺社交媒體話， 羅湖懲教所嘅口罩工場下個月會改裝一部半自動機，用嚟生產小童口罩，並會增加一部全自動機同訂購半製成品加... 詳情

【Emily】張建宗籲分流拜山 避免聚食燒肉

【明報專訊】政務司長張建宗喺網上呼籲市民調整今年清明節去拜山嘅時間，希望大家避開清明節當日人多擠迫嘅高峰期，喺清明前後前往拜祭，藉此分散人流... 詳情

時事懶人包：世衛無錢又無權

【明報專訊】面對新冠肺炎疫情，世界衛生組織（WHO）的應對屢惹爭議，世衛於1月底召開第2次緊急會議時，才將疫情列為「國際公共衛生緊急事件」（... 詳情