【Emily】指連豬海報有政治意味 民記質疑「和你宵」 房署即刻唔借場

4名民建聯議會監察成員指控民主派區議員搞「和你宵」活動涉唔啱規矩，其中喺區選葵涌邨敗選嘅李宏峯（右一）拎住區內「和你宵」宣傳海報，認為區議會唔應該資助有政治宣傳成分活動。

【明報專訊】民建聯部分區選落選者搞咗個「議會監察」，監察區議會運作，佢哋噚日開記者會，質疑泛民區議員用公權力搞「和你宵」(年宵)，包括葵青區議會贊助嘅「葵涌和你宵」；質疑「葵涌和你宵」要求有意投標開檔者要表明會唔會捐出活動按金，畀涉嫌洗黑錢案、戶口已被警方凍結嘅星火同盟等，指難免覺得有「篩選」；又質疑房署批出葵涌邨平台搞「和你宵」違規。主辦「葵涌和你宵」嘅葵青區議員梁錦威話即晚收到房署信件，要取消佢哋場地申請。

搞手：人人都可參加 僅展示產品

「葵涌和你宵」原本喺今個星期六(18日)下晝兩點至晚上9點，喺葵涌邨平台搞。喺葵涌邨南選區落敗嘅民建聯李宏峯仲話，「葵涌和你宵」宣傳海報上有「連豬」，佢覺得有政治意味，批評區議會撥款有政治宣傳。

活動搞手梁錦威話，活動係所有人都可以參加，投標者捐唔捐錢，唔會影響佢哋中籤機會。「議會監察」記者會後，晚上房署就去信話「和你宵」有商業成分，要取消佢哋嘅場地申請。梁錦威反駁，活動講明現場唔會有現金交易，檔主只係會展示產品，現場都有其他具過年氣氛嘅活動，如果最後搞唔成會好可惜。

房署：發現有商業性質撤銷

房屋署回覆話，有關「葵涌和你宵」活動，房署早前按原則批准予申辦嘅當區區議員黃潤達，但最近了解活動詳情後，發現活動有商業性質，因此已撤銷原本嘅批准。

更多港聞

【Emily】民主黨立選黨內初選 袁海文挑戰黃碧雲

【明報專訊】立法會選舉9月舉行，民主黨黨內初選噚日截止報名，名單無咩大驚喜，該黨現任7個立法會議員都有報名參加初選，換言之佢哋好大機會競逐連... 詳情

【Emily】連登仔問家屬有無美護照 美芬：全家中國人

【明報專訊】潮流興上連登，連經民聯立法會議員梁美芬都睇埋一份。繼早前點名讚揚連登仔有「清醒嘅人」之後，梁美芬拍片「你問我答」，回應連登仔嘅提... 詳情

【Emily】融合青衣島特色 舊球場變「長亨主場」

【明報專訊】唔少後生仔女鍾意打籃球，但部分公共籃球場日漸殘舊。房地產私募基金基滙資本成立嘅「民坊」，最近同本地社區營造工作室「一口舍群」合作... 詳情

【Emily】新渡輪20歲 App抽獎送一年月票

【明報專訊】最近流行搞「大抽獎」，適逢20周年嘅新渡輪亦唔執輸，推出「免費月票大放送」活動，所有購買2019年12月、2020年1月同2月份... 詳情

港大學生會發起聯署 反對「粗暴調查教席」

【明報專訊】香港大學在法律系副教授戴耀廷未完成法庭上訴程序之時，便召開「探討充分解僱理由委員會」審視其教席去留。3個師生校友組織不滿安排有違... 詳情