【Emily】自製路牌收起 ?敗選區議員話成功監察
[2020.01.10] 發表
【明報專訊】建制派喺區選落敗後成立「議會監察」，強調要監察各區區議員，擦出唔少火花。Emily日前提過，中西區區議員黃永志(Napo)出post，話因西營盤區內有交通燈信號不同步，區內有街坊自製路牌免生意外，但畀落敗嘅民建聯劉天正質疑違反《道路交通條例》。兩人隔空筆戰，劉天正甚至話Napo唔畀佢留言，所以佢要公開喺自己fb專頁回應，質疑Napo係想靠路牌「做show」、「R政治本錢」。
黃永志：社區自救，民建聯逼走
劉天正日前發帖，話發現Napo已經收起被指違法嘅交通標誌，自言「成功監察」，又話Napo「知錯能改」。Napo喺專頁發帖話街坊社區自救，但畀民建聯落選人逼走，「多年積弊唔搞，街坊一搞就要被民建聯搞，民建聯仲對得住街坊嗎？」
劉天正不甘示弱，話Napo唔畀佢留言，唯有喺自己專頁回應，佢話路牌放置後，翌日晚上都發生交通意外，質疑係咪真係有用，點解認為司機會睇塊牌，而唔係睇交通燈。
7分鐘7架車 睇錯燈衝出
Napo噚日就上載片段，話7分鐘內已有7架車，因為睇錯燈而衝出干諾道西，險釀交通意外。兩人誰是誰非由讀者判斷，但睇嚟當局真係要快啲做嘢，改善道路安排。
更多港聞
【明報專訊】近期旅客大減市道淡靜，兩大主題樂園都唔能夠坐以待斃，噚日分別推出港人專享優惠吸客。海洋公園話為咗慶祝開業43周年，今日起至3月3...
詳情
【明報專訊】現時公屋輪候時間高處未算高，facebook專頁「專業清算師」噚日發帖文，話團隊早前連續10日派出「清算專員」，每晚8點拍攝同一...
詳情
相關新聞
