【Emily】北區素人 羅庭德料做區會主席
[2020.01.02] 發表
【明報專訊】新一屆區議會噚日上任，大部分區議會嘅主席都由有經驗嘅區議員出任，北區區議會較特別，主席料由素人、皇后山區議員羅庭德(圖)擔任。佢同Emily講，呢個係當區泛民按政治倫理得出嘅共識，又話未來會成立北區素人聯盟，喺區議會投票意向會較為一致，但暫時無意聯同其他區嘅素人搞個跨區嘅素人聯盟，佢話「唔想起大台」。
羅庭德話，素人喺北區區議會佔7席，屬最多人嘅板塊，按民意基礎，佢哋應該做主席；而有5席嘅民主黨則派人做副主席；其他委員會，新民主同盟成員有優先權做主席。佢強調呢個安排同之前區選撞區爭拗無關。
至於點解由佢做主席，羅庭德話同其選區背景有關，因皇后山係鄉郊選區，未來東北發展要同鄉事派交手，佢方便同鄉事溝通；佢嗰區嘅地理位置，同其他選區冇咁多資源重疊，令其他議員信服佢做主席會中立啲。佢話，做主席會熟讀《議事規則》，請教資深議員，同區議會秘書處保持溝通。
更多港聞
八大校園開學後續拒公眾 重開無期 教局：教資會無硬性規定開放校園
【明報專訊】8間資助大學下周一（6日）起陸續開學，全部均維持出入管制措施，不許公眾自由進出，八大未有明確回應何時重開校園。教育局稱，大學可自... 詳情
【明報專訊】理大去年11月中爆發激烈衝突，料如期本月13日開始第二學期。日前理大重新開放更多校園範圍，教職員自行評估風險和簽署理解信後可入北...
詳情
相關新聞
