【Emily】半島職員助零裝備巿民入內避難
[2019.10.28] 發表
【明報專訊】噚日下晝有示威者喺尖沙嘴梳士巴利花園集會，無幾耐警方就喺太空館附近放催淚彈，唔少示威者、途人零裝備，見白煙立即走避，唔少人走去對面馬路嘅半島酒店「避難」。市民陳先生事後喺facebook出帖大讚半島，大批網民畀like。陳先生同Emily講，無諗過成世人第一次入半島，就係因為要避難，亦大讚半島處理手法好好。
巿民：無諗過首次入半島就係避難
陳先生話噚日去尖沙嘴搵朋友，途經半島酒店時，警方喺附近放催淚彈，當時有好多普通市民、遊客同酒店職員企喺酒店噴水池附近。後來唔知係咪因為大風，催淚味開始飄過嚟，有酒店保安察覺，就揮手示意大家入酒店避一避，大約50人湧入去，停留咗大約10分鐘，再經另一道門離開。
網民籲「大力懲罰 」 其後閘已關
唔少網民大讚半島係「良心酒店」，呼籲大家日後要去半島「大大力懲罰」。Emily事後去睇過，半島其後已關閘，只畀住客出入。酒店回覆Emily查詢，話一向以客人安全同保安為先，噚日酒店附近有放催淚彈，部分路經嘅人受影響而進入酒店暫避，酒店不久之後關上大門，以確保客人嘅安全。
星光大道美食亭 派糖水派樽裝水
有網民就重提半島老闆米高嘉道理(Michael Kadoorie)早前公開信，提到年輕人係香港嘅未來，唔應該令年輕一代活在無助、絕望當中，信中話，「要重建社會互信，為新生代重燃希望，我們每一個人都責無旁貸」。
另外，反修例運動開始以嚟，不時有小店向示威者送水送糧，噚日下晝喺尖沙嘴星光大道嘅美食亭「美樂士多」，職員就特別煲咗腐竹薏米糖水，畀大家潤一潤， 一兩個鐘就派咗50杯。店員話近數星期收到捐款，贊助舖頭買水送贈市民，負責人李先生話𠵱家已經長期喺店舖擺樽裝水，畀市民隨便免費攞嚟飲。
更多港聞
【明報專訊】10月31日係萬聖節前夜，以往呢日中環蘭桂坊都好熱鬧，好多人扮鬼扮馬，但蘭桂坊協會噚日話喺今年嘅社會氣氛下，蘭桂坊唔會搞特別佈置...
詳情
【明報專訊】近期唔同政治立場嘅網民或團體，都分別發起「感謝」活動，去幫襯所謂「黃店」、 「藍店」。新民黨主席葉劉淑儀噚日亦「加持」西營盤老牌...
詳情
【明報專訊】香港芭蕾舞團嘅《天鵝湖》現正喺尖沙嘴文化中心公演，不過，噚日尖沙嘴一帶有示威，連《天鵝湖》都要被腰斬。「星屑醫生」歐陽英傑噚日下...
詳情
【Emily】莫乃光糾眾行山 唔攞不反對通知書
【明報專訊】近年好多香港人愛上跑步，仲不時約埋跑友一齊喺公園、運動場或者大街練跑。不過，有報道話有跑步會嘅負責人稱收到警方通知，以後喺公眾地... 詳情
相關新聞
