【Emily】話「協調人嘅工作做得好差」 謝永齡突出山 同泛民撞區

【明報專訊】區議會選舉上周四截止報名，城市大學教職員協會主席謝永齡突然出山參選，但就唔係返老巢灣仔嘅銅鑼灣選區，而係去渣甸山選區。佢同Emily講，唔返老巢係因為唔想同辭職參選嘅女警邱汶珊有衝撞。不過，謝永齡喺渣甸山選區都同另一名泛民、「灣仔起步」嘅張朝敦撞區。被問到點解會撞區，係咪無協調？謝永齡只係話「協調人嘅工作做得好差」。渣甸山選區另一參選人係現任區議員、自由黨林偉文。

今次參選報稱係心理學家嘅謝永齡，曾經喺1994至2007年擔任銅鑼灣選區嘅區議員，仲做過灣仔區議會副主席，佢話今次出山參選係因為見到當下嘅政治形勢未必會令建制派輸得一敗塗地，所以佢要出山。

話出山因建制派未必輸得一敗塗地

申報為「無黨派候選人(和理非)」

謝永齡申報政治聯繫為「無黨派候選人(和理非)」，對於同另一泛民撞區，建制派會唔會漁人得利？謝永齡只係話「協調人嘅工作做得好差」。佢強調自己絕非建制派，但唔衝得前線，係真和理非，重申支持政府成立獨立調查委員會調查反修例風波引發嘅多場警民衝突。謝永齡10幾年前退出民主黨，佢話退黨後「啲人都唔當我係泛民」。

黃成智馮檢基都同非建制撞區

今次區選有唔少政壇「老鬼」參選，但部分就同非建制候選人撞區，好似前立法會議員黃成智最後一日報名參選北區彩園選區，同區有民主黨林子琼同民建聯蘇西智參選；另一前議員馮檢基則出戰油尖旺尖沙嘴西，該區多達5人混戰，除咗阿基，仲有獨立民主派陳嘉朗、民建聯潘景和、獨立嘅梁幸輝同簡浩明。

更多港聞

【Emily】中大人聯署撐校長：你不是孤身一人

【明報專訊】中大校長段崇智上周發表公開信，話見咗30多個被捕學生，當中20多人控訴拘留期間受不合理對待，包括遭警掌摑同延遲就醫等，要求特首跟... 詳情

【Emily】披喺身攞喺手 加泰旗現身遊行

【明報專訊】近月遊行示威不時有示威者高舉美國旗，噚日九龍遊行就多咗一支旗，唔少示威者拎住加泰隆尼亞旗幟嘅紙牌，亦有人將加泰隆尼亞旗披喺身。 ... 詳情

【Emily】男女老幼Free Hug取暖 約定煲底見

【明報專訊】反修例運動踏入第4個月，幾乎逢周末都有巿民上街爭取五大訴求，唔少抗爭者難免感疲累甚至灰心。噚日九龍區遊行，喺警察未清場前，尖沙嘴... 詳情

【Emily】岑子杰出院休養 仍要物理治療

【明報專訊】反修例運動最令人深刻嘅幾幕，相信包括6．12同6．16由民陣發起嘅兩場遊行，號召到過百萬香港人上街。由民運人士楊建利喺美國創辦嘅... 詳情

【Emily】深水埗「原居民」 退選再轉區參選

【明報專訊】區選提名期上周四結束，當晚選管會話共接獲1104份提名表格、6份退選通知書，不過其實退選嘅只得5人，因為其中一名參選人「彈出彈入... 詳情