【Emily】無得游水過海 梁繼昌陳岳鵬失望
[2019.10.12] 發表
【明報專訊】香港業餘游泳總會噚日宣布，因近期社會情况，決定取消原定月底舉行嘅「新世界維港泳2019」。多名政界中人過去都係渡海泳常客，例如會計界議員梁繼昌、民建聯鄭泳舜、現時喺馬會工作嘅政制及內地事務局前副局長陳岳鵬(Ronald)等。梁繼昌同Ronald對於冇得游渡海泳感失望；鄭泳舜就話覺得可惜，但讚主辦單位有退款安排，希望渣馬嘅主辦單位都考慮到現時社會嘅情况，一旦取消就準備退款政策。
鄭泳舜讚有退款 叫渣馬效法
Ronald話之前參加多次渡海泳，而渡海泳兩年前起改賽道，變成可以喺維港正中暢泳，佢一直都好想參與，但前年因為出國讀書、上年就未能中籤，一直引頸以待今年可以喺維港中心游水，雖然中咗籤但現時又落空，非常失望，但都理解泳總嘅難處同決定。至於有無為今次渡海泳練水，Ronald 就話現時一星期有幾日都會喺返工前游水，唔需要特登為渡海泳練習。
前兩年錯過 陳岳鵬今年中籤
鄭泳舜話因為之前比較忙，冇咩時間專登為渡海泳練水，雖然對取消賽事感到可惜，但都明白主辦單位係基於安全考慮。梁繼昌話為咗渡海泳每周都練水，雖然今年取消咗，佢都會繼續練。
更多港聞
【明報專訊】泛民、建制議員幾個月冇喺立法會會議交鋒，噚日再碰頭有唔少火花，其中內會噚日傾到正、副主席同政務司長張建宗會面，多名議員借題發揮，...
詳情
【Emily】Madam張再出場 柔聲回應中大女生
【明報專訊】Emily每次睇4點鐘警察記者會，見到一班中年阿sir，真係睇到悶。喺一眾剛陽氣中，噚日聽到家庭衝突及性暴力政策組嘅總督察張寶月... 詳情
相關新聞
