【Emily】CY批學生動「員」講錯聯合聲明 政府下午出稿：無條文訂行雙普選
[2019.09.20] 發表
【明報專訊】全國政協副主席、前特首梁振英(CY)經常喺facebook評論時政，佢噚日朝早喺fb話，留意到「學生動員」(應為學生動源)噚日喺沙田區搞聯校人鏈，其fb宣傳提到「香港特區政府自回歸以來，仍未實行雙普選，嚴重違反中英聯合聲明」。CY批評有誤導，因聯合聲明無規定任何普選，佢要求政府包括教育局必須向被誤導嘅學生嚴正澄清，自己亦已傳真咗相關信件畀沙田各中學。事隔半日，政府出稿澄清，話《中英聯合聲明》並沒有條文訂下實行「雙普選」。
無阻沙田學生組人鏈
即使CY出聲，更有傳白衣人喺附近聚集，都無阻一眾沙田學生放學後組人鏈。下晝5點開始就有學生、校友、街坊企喺城門河兩岸組成人鏈，並唱《願榮光歸香港》及喊口號。活動喺6點45分完結，並呼籲大家離去。
CY畀學校嘅信話，《中英聯合聲明》原文係「行政長官在當地通過選舉或協商產生，由中央人民政府任命」；認為若中央決定下一任特首由協商產生，都唔會違反聯合聲明，信末話「希望貴校學生不受誤導」。信件並印上「急件」字樣。
政府出稿嘅內容同CY相近，話中英聯合聲明相關選舉條文均與實行「雙普選」無關。
學生動源嘅post至噚晚只得20幾人like咗，佢哋噚日亦分別出post回應CY同政府稿件，其中上載CY信件時就諷刺對方：「學海無涯學多啲漢字啦，邊個組織叫學生動『員』？」
更多港聞
【Emily】網傳撐何君堯通告 福建社團：假圖
【明報專訊】立法會議員何君堯發起聽日搞「清潔香港運動」，話要將「影響市容的垃圾撕掉，洗淨牆壁」，唔少人關注周六會否引起衝突。噚日網上就流傳一... 詳情
【Emily】哈囉喂揭幕 劉鳴煒：優越票銷情增
【明報專訊】就快又到哈囉喂，「海洋公園哈囉喂全園祭2019」噚日揭幕，但反修例示威影響旅遊業，樂園噚日人流比較少，出現咗一個人「包起」一架海... 詳情
【Emily】陳德霖憶中大歲月 「圓嘅嘢都啱」
【明報專訊】陳德霖即將卸任金管局總裁，佢喺退休前為母校中文大學拍咗段短片，追憶學生時代嘅青葱歲月。陳德霖原來係體育健將，佢喺片中話大學時期「... 詳情
【明報專訊】反修例風波橫跨整暑假，開學後亦有學生發起罷課及人鏈活動。香港教育工作者聯會調查顯示，近半受訪校長認為校園氣氛受社會事件影響，逾四...
詳情
相關新聞
