【Emily】央視訪問 稱記招秩序難控制 PPRB高sir：有人濫用記者身分

PPRB警司高振邦（右）負責主持警方例行記招，並規定每個記者問3條問題；佢日前接受央台訪問話，有時記者爭相追問，令記者會秩序比較難控制。（資料圖片）

【明報專訊】反修例運動持續，警方自8月起幾乎逢周一至周五舉行4點鐘記者會，接受傳媒提問，負責主持記者會嘅警察公共關係科(PPRB)警司高振邦，限制每個記者問3條問題，當有其他記者繼續追問，往往會被佢叫停，有時令傳媒感到不滿。高sir日前接受中央電視台訪問，話有時記者會秩序比較難控制，又稱喺示威現場中，留意到有人「濫用記者身分，可能會大聲謾罵，挑撥現場群眾嘅情緒」。

會制止追問 曾稱「個場係警方㗎」

高sir喺片中話有記者爭相追問，令記者會「秩序比較難控制」；不過，以Emily連日到灣仔警總採訪嘅經驗，有時係警隊高層未清晰回答問題，其他人再追問，就會畀佢制止。佢曾回應持續追問嘅記者「個場唔係你㗎，係我哋警方㗎」，有關言論亦喺網上瘋傳。

「最有威力武器」係揚聲器

高sir喺訪問中提到，佢哋作為傳媒聯絡隊，會都著住件藍背心，而佢哋「最有威力嘅武器」就係揚聲器，希望傳媒畀番啲工作距離佢哋。睇番資料，9月7日，大班記者喺太子始創中心對開畀警員用胡椒噴劑噴中，高sir在場，仲即時派水畀記者，但有記者覺得投訴無門，冇要到佢大聲問記者「要唔要呀」嘅水。

喺央視訪問中，佢話留意到有人「濫用記者身分，可能會大聲謾罵，挑撥現場群眾嘅情緒」。有片段畫面顯示一個防暴警員查看記者證嘅情况，Emily細心翻睇，就唔見嗰名警員有佩戴委任證，制服上亦無警員編號。

更多港聞

【Emily】邀PR公司唱好香港 新聞處：無人報價

【明報專訊】路透社早前公開特首林鄭月娥8月底與商界閉門會面嘅錄音，林太透露政府曾邀8間國際公關（PR）公司協助宣傳工作，但就食檸檬。Emil... 詳情

【Emily】抗日烈士碑被塗污 市民夤夜清理

【明報專訊】抗日烈士紀念碑前日被發現有人用噴漆喺上面寫咗「反送中」等字眼。《環球時報》報道，前晚有一班市民夤夜去清理，其中一名中年人鍾華新話... 詳情

【Emily】市民謝急救員陳沛然 籲「消夜勿食雪糕」

【明報專訊】喺反修例運動中，義務急救員不時走到示威前線為傷者治療，不屬泛民、建制嘅醫學界立法會議員陳沛然亦係其中一人，佢噚日喺faceboo... 詳情

【Emily】青民周末大灣區團 無人因反修例退團

【明報專訊】反修例運動後，有學校取消內地交流團，擔心年輕學子過關時會被扣查，青年民建聯就繼續呢類交流團，嚟緊周末會出發到大灣區交流。青民主席... 詳情

【Emily】邱騰華訪美推廣港創意

【明報專訊】近日唔少官員正外訪，創科局長楊偉雄、商務及經濟發展局長邱騰華目前喺美國，食衛局長陳肇始則喺澳洲。其中邱騰華（右）訪美4日，噚日喺... 詳情