【Emily】馮檢基落戶尖西 又撞同路人 對手陳嘉朗：應扶年輕人
[2019.09.14] 發表
【明報專訊】區議會選舉下個月就開始報名，早前民主派有人提倡「元老」披甲落「白區」，以免建制派自動當選。立法會前議員馮檢基早前落戶尖沙嘴西，喺呢個中產區開展地區工作；不過，報稱獨立嘅陳嘉朗近日亦喺嗰區開展社區工作，仲同民主黨立法會議員黃碧雲掛「孖頭」橫額。撞區點解決呢？基哥就同Emily講，希望可以初選處理。
倡辦初選解決
基哥透露今次參選淵源，話自反修例風波爆發後，認為無理由畀建制派自動當選，於是6月開始落區做嘢，仲話當時已通知咗民主黨，該黨冇異議；但後來見到多個人有意出戰，佢都覺得意外。基哥又話，即使國民黨郭台銘、民進黨蔡英文都要初選，「馮檢基冇理由唔使」，所以今次都希望可以初選解決，仲話如果協調唔到，就唯有「各自各精彩」啦。
陳嘉朗就同Emily講，佢早喺10年前已經喺呢區工作，喺議員辦事處做過，跟開尖沙嘴事務。佢話最近都冇咩見基哥喺尖沙嘴西出現，選舉最緊要係有能力團結大多數人，佢讚基哥的確有能力，「佢從政經驗豐富，應該扶持年輕人，希望佢再諗清楚啲啦」。
更多港聞
【Emily】任醫局CEO個半月 高拔陞：感覺好耐 稱新主席范鴻齡「好有心」 盼互相補足
【明報專訊】8月1日履新嘅醫院管理局行政總裁高拔陞噚日同傳媒茶敘，佢話上任個幾月以來壓力唔細，覺得時間過咗好耐。佢話自己淨係做過醫管局份工，... 詳情
【明報專訊】噚日中秋節，唔覺有秋意，最高氣溫仲高達33℃，天文台話係有紀錄以來最熱嘅中秋，破咗1969年中秋節（9月26日）嘅32.8℃紀錄...
詳情
【Emily】《願榮光歸香港》 KKBOX 上架即登榜首
【明報專訊】被網民喻為「香港之歌」嘅《願榮光歸香港》噚日喺音樂平台KKBOX正式上架，KKBOX仲喺facebook發文做新歌推介，話「喺呢... 詳情相關新聞
