【Emily】之鋒阿廸Lester赴台 鼓勵辦撐港集會

日前被捕嘅黃之鋒（右）獲裁判官批准去台灣，佢噚日就放咗張同朱凱廸（左）及岑敖暉（中）嘅相上facebook，話已經抵台，希望鼓勵台灣動員舉辦一次支持香港嘅大集會。（黃之鋒facebook圖片）

【明報專訊】香港眾志秘書長黃之鋒、立法會議員朱凱廸，同埋學聯前秘書長岑敖暉(Lester)一行3人噚日順利去到台灣，之鋒同阿廸都喺facebook出post，話今次去台灣有3樣嘢要做，當中最重要嘅係鼓勵台灣總動員，可以促成一次台灣民眾支持香港嘅大型集會；另外亦會透過講座同會面，畀台灣社會了解香港嘅最新情况，並了解台灣政界對赴台港人提供「人道求助」嘅諗法。

之鋒話，台灣同香港係「命運共同體」，面對同一個專制政權嘅威脅，相信如果台灣民眾以大規模行動支持香港，畀中共睇到台港人民嘅團結，就會帶嚟極大力量。佢話，港台兩地流行講「今日香港，明日台灣」，但佢認為兩制喺香港已經全面崩壞，希望台灣人係香港人嘅後盾，一齊勇敢共同抵抗中共壓迫，香港亦唔好再預設係必然失敗嘅弱者，要試講「今日台灣，明日香港」，爭取同捍衛民主自由。

黃之鋒上周被捕，被控涉嫌6月21日喺夏愨道煽惑他人參與未經批准集結、灣仔警察總部外參與未經批准集結以及涉嫌組織該未經批准集結。當日之鋒提堂後獲准保釋，主任裁判官錢禮批准佢前往台灣，與當地立法院成員舉行座談會，佢之後亦會喺柏林圍牆前發表演講、到美國會見《時代》雜誌同《華爾街日報》編輯。

更多港聞

【Emily】連續45年240日筆耕 林行止入健力士

【明報專訊】有「香江第一健筆」之稱嘅《信報》創辦人林行止（圖）最近獲《健力士世界紀錄》確認為The Longest serving dail... 詳情

【Emily】「暫列謀殺」新聞處譯Pending Murder

【明報專訊】政府新聞處噚日凌晨發新聞稿，公布西貢一宗暫時列作謀殺案嘅案件詳情，但新聞稿嘅英文版本，將「暫列謀殺案」譯作「Pending Mu... 詳情

【Emily】陳德霖卸任 先返中大講talk打波

【明報專訊】金管局總裁陳德霖任期本月底屆滿，Emily唔知陳德霖（Norman）未來喺政商界會唔會有新動向，但就知道佢一離任，先會支持母校活... 詳情

【Emily】抗日勝利紀念儀式 無安排採訪

【明報專訊】修例風波以來，特首林鄭月娥（前）出席活動都甚少通知傳媒採訪，事後多由新聞處發相；噚日係抗日戰爭勝利紀念日，由2014年起，政府每... 詳情

珠海跨境生數目 不似東涌3校預期 取錄約60人 預期過百

【明報專訊】港珠澳大橋去年10月開通，教育局容許東涌區內3間學校取錄跨境生，讓他們從珠海跨境到港上學。不過，有校長表示3間小學今年合共僅取錄... 詳情