【Emily】警fb稱追究「暴動」行為 後改稱「暴力」
[2019.08.27] 發表
【明報專訊】過去一個周末香港再次催淚彈與槍聲四起，久未露面嘅警務處長盧偉聰前晚去咗醫院探望喺荃灣畀示威者襲擊受傷嘅警員，不過一哥無見傳媒，當晚只係透過警方fb發布消息。Emily發現，前晚警方帖文最初話示威者係「暴動行為」，一個鐘後就改做「暴力行為」。
反修例示威浪潮持續咗兩個幾月，呢排警方逢星期一至五下晝4點都召開例行記者會，每日都座無虛席，Emily要提早到場先霸到第一排座位。除咗本地傳媒，仲有唔少外媒同內地傳媒關注警方行動，噚日更有日本記者。警方噚日開始仲安排傳譯員，即時將記招內容翻譯成英文同普通話。
更多港聞
【明報專訊】特首林鄭月娥公布有意構建對話平台，上周六請咗一班社會賢達去禮賓府畀意見，事後喺fb話唔期望對話能夠輕易解開死結，或者提供問題嘅解...
詳情
相關新聞
