【Emily】周日多示威 六成菲傭稱影響假期活動
[2019.08.10] 發表
【明報專訊】反修例風暴持續咗一段時間，幫外傭同僱主配對嘅平台HelperChoice，最近兩星期喺網上訪問咗982個喺香港嘅菲傭，當中65%都話近日見過至少一次遊行，但只有16%話佢哋嘅工作有受示威影響。不過，由於大部分菲傭都係星期日放假，有64%受訪者就話，佢哋嘅假期活動有受示威活動影響。
雖然示威行動持續，不過52%受訪嘅菲傭都話唔擔心近日嘅情况，另外有45%擔心，但無打算因為咁轉去其他地方打工。有受訪嘅菲傭話，只要盡量唔去示威區、盡量唔喺示威日子著白衫或者黑衫，就應該無事。
不過，仍然有3%受訪者對香港𠵱家嘅環境有擔心而希望轉去其他地方工作，或者返老家菲律賓；亦都有受訪者擔心，如果情况持續，影響香港經濟，原本喺香港工作嘅外國人會離港，就會令外傭無咗飯碗。
更多港聞
【明報專訊】第5屆香港電競節今個月23至26日將會喺灣仔會展舉行，大會話今屆唔想入場嘅人淨係睇人打機，安排咗唔同嘅新體驗，其中新增咗「電競街...
詳情
相關新聞
