【Emily】識用Tg同連登宣傳 葉劉：反修例有隱形大佬
[2019.08.09] 發表
【明報專訊】反修例浪潮持續，示威者強調抗爭「無大台」、無人主導運動，但建制派唔多相信。身兼行會成員嘅新民黨主席葉劉淑儀，噚日接受商台訪問時話運動有好多組織同資源，可以發起民間記者會，又識用通訊軟件Telegram(Tg)同連登討論區等宣傳，相信背後有「非常犀利、隱形、精密嘅大佬」，但承認自己無證據。噚日出席民間記者會嘅抗爭者就強調社會已經踏入數碼年代，呼籲建制派開闊眼界。
民間記者會：
踏數碼年代 請開闊眼界
民建聯港區人大代表葉國謙亦認為運動背後一定有大台，佢接受商台訪問時形容，示威者保護裝備媲美防暴警，例如有人有全套黑衣、眼罩同通訊器材等；又話有示威者曾到入境處大樓外向受影響市民鞠躬道歉，佢唔信年輕人諗到咁「高招」，相信背後有人指揮，叫警方拘捕幕後策動者。
葉國謙唔信年輕人咁高招
連登網民以惡搞回應兩人言論，半日內5000名網民喺其中一個帖文內發表一式一樣回應：「葉國謙，你太年輕了。你以為這場反送中運動上真的有大台嗎？其實都是我一個人幹的，不然我再換個ID(帳戶)發同樣的話給你看。」
噚日出席民間記者會嘅李小姐話，如果要質疑網絡世界點解可以組織咁多人參與運動，就要反問政府點解可以逼到咁多人上街，話香港作為國際金融中心，希望大家對數碼時代有多少少認識，開闊眼界。
更多港聞
【Emily】106粒催淚彈頭 串成大埔新景點
【明報專訊】「連儂隧道」成為大埔新景點，近日再有市民喺該區添上新風景。有兩個大埔學生將警察星期一（5日）喺大埔發射嘅106粒催淚彈彈頭用索帶... 詳情
【明報專訊】港澳辦同中聯辦前日喺深圳舉行座談會，向建制派傳達要「挺特首、挺警隊」等信息，中聯辦主任王志民呼籲佢哋「積極發聲、勇敢行動」，搞活...
詳情
【明報專訊】法律界前日遊行要求政府就近期連串衝突成立獨立調查委員會，並反對政治檢控。活躍於社交媒體嘅前特首梁振英（CY），前晚喺fb貼出一張...
詳情
相關新聞
