【Emily】區議員黃潤達辦事處三被抹糞

有人用膠袋、報紙包住「便便」，抹落黃潤達區議員辦事處大門門柄，黃潤達話係3個禮拜內第3次。（黃潤達提供）

區議員黃潤達喺葵涌邨嘅辦事處，噚日凌晨被搗亂，辦事處貼有「林鄭下台」標語嘅外牆下方，畀人鋪咗報紙、撒利巿封同花生，擺設疑似祭壇。（黃潤達提供）

【明報專訊】葵涌邨南民主派區議員黃潤達嘅辦事處3周內4次被破壞，包括3次畀人喺大門抹糞，另一次係外牆嘅「連儂牆」被撕，又設起「祭壇」。黃潤達話第二次事件後已加裝閉路電視，發現有個中年女子相當可疑，暫時唔知佢嘅動機。

擺燒肉龍眼似「起壇」

噚日凌晨2點幾，職員透過閉路電視發現葵涌邨曉葵樓地下嘅辦事處，有剷青中年婦疑似搗亂，於是開咪叫佢離開。中年婦15分鐘後折返，喺辦事處門柄抹糞，劃花同撕爛呼籲今日罷工嘅標語，又喺地面鋪報紙、淋液體、撒利巿封同花生，信箱入面亦擺咗燒肉同龍眼等，擺疑似祭壇。警方暫將案件列求警調查，未有人被捕。

黃潤達好無奈咁同Emily講，今次已係辦事處第4次畀人搗亂，上月16同26日先後發生辦事處外「連儂牆」被撕爛、大門被抹糞。上周五凌晨再有人破壞，佢翻看閉路電視片段，發現一名戴鴨舌帽、著深藍衫嘅人喺度抹糞同起壇，手法同噚日相似，唔排除同一人所為。黃認為玩「便便」過分，希望屋邨保安密啲巡邏，避免事件再發生。

更多港聞

【Emily】張國鈞堅城議辦被打爆玻璃

【明報專訊】民建聯張國鈞喺堅尼地城嘅地舖辦事處，噚日畀示威者噴黑其頭像，寫上粗口同「無恥」等，辦事處3塊玻璃被打爛，其餘一塊玻璃被貼便條紙，... 詳情

【Emily】全民運動日 官員現身落區做運動

【明報專訊】香港人近排運動充足，康文署一年一度全民運動日噚日舉行，部分官員去到各區體育館同市民一齊運動。民政事務局長劉江華同康文署長李美嫦去... 詳情

【Emily】影相無入鏡 李偲嫣話旺角前線撐警

【明報專訊】近期示威發生多次警民衝突，一直撐警嘅「正義聯盟」主席李偲嫣，繼早前去灣仔警察總部贈送飲品同水果向警方表達支持後，又喺facebo... 詳情