啟業運動場翻新 回收當入樽

黃梓謙（左）及 葉嘉華（右）示範將膠樽投入「回收籃球架」，黃話有趣嘅設計會吸引更多人參與回收行動。（張彤攝）

【明報專訊】啟業運動場喺1980年代初建成，舊年翻新咗，創新之餘又保留經典設計，其中好搞鬼嘅係回收桶變身籃球架，每次回收膠樽都名正言順「入樽」。

回收桶變籃球框形狀

九龍灣啟業邨停車場頂樓嘅啟業運動場佔地2萬平方呎，基匯資本舊年11月展開翻新工程，聘用街頭籃球文化組織SLAB，同埋本地設計工作室One Bite Social參與設計，過程中考慮咗運動場用家嘅實際需要。

唔少人去打波都會飲樽裝水，飲完個樽隨手丟入垃圾桶。為咗環保啲，設計師將啡色膠樽回收桶改頭換面，變成籃球框形狀，畀波友為環保「入樽」。基匯資本公共事務及市場總監黃梓謙話，自1月26日運動場開幕以來，已收集到近1萬個膠樽，交咗畀環保組織「綠領行動」。

運動場入口附近，有3個籃筐垂直鑲咗喺牆，最高一個離地約4米。點先射到籃？ SLAB創辦人葉嘉華話：「我喺設計時，無訂一個特定嘅玩法。」佢話設計呢個藝術裝置時，係受李小龍名言「以無法為有法」啟發，希望突顯自由、隨性嘅街頭文化，鼓勵大家自創玩法。

運動場獲城市土地學會頒發亞太區卓越獎，表揚佢嘅獨特建築設計，其他獲獎項目包括金鐘太古廣場。

更多港聞

港鐵App更新 提低頭族落車

【明報專訊】唔少人搭車時都會做低頭族，無留意報站分分鐘搭過龍，港鐵今日（12日）更新手機應用程式「MTR Mobile」，加入到站提示功能，... 詳情

小三生樂於考TSA：不用上課 筆試開考 稱中文科易過校內試

【明報專訊】小三全港性系統評估（TSA）昨考中文筆試，評核分閱讀、聆聽、寫作3部分。全港官津、直資小學第二年每校抽10%小三生考TSA，學校... 詳情

調查：學生迷社交媒體 生活滿意度較低

【明報專訊】中文大學的中小學生身心健康調查顯示，本港學生生活滿意度平均6.86分，低於國際水平7.63分；而自評健康狀况為「差」的佔4.5%... 詳情