龍舟嘉年華增美食攤位 有亞運得獎隊落場

2019香港龍舟嘉年華將首次引入本土巿集，參與嘅iGLOOZ網絡營銷主任林志強（中）解釋，其中一項特色產品係水壺燈（左），係仿照舊式水壺設計，希望呢一系列本土產品都畀到人紓壓嘅感覺。（楊柏賢攝）

今年香港龍舟嘉年華其中一檔美食車The Butchers Truck有賣朱古力脆皮香蕉雪條，將成條香蕉雪到變冰，食落透心涼，新任旅發局主席彭耀佳（右）噚日食到停唔到口。左為中國建設銀行（亞洲） 副董事長及行長張駿。（楊柏賢攝）

【明報專訊】話咁快就到端午節，由旅發局主辦、中國香港龍舟總會協辦嘅2019香港龍舟嘉年華將於6月14至16日舉行，今年係首度有亞運龍舟比賽獲獎隊伍參加，相信必有一番龍爭虎鬥。但最令Emily開心嘅，係今年嘅嘉年華增加咗美食攤位，有得玩有得食之餘，仲可以身體力行支持環保。

新任旅發局主席彭耀佳致辭時介紹，今年嘅龍舟邀請賽，將有近5000名來自16個國家或地區嘅選手，共約180支龍舟隊伍於維港競賽，仲有曾經喺亞運龍舟比賽贏過嘅中國男女子隊，以及泰國隊。今年亦增設「中華人民共和國成立70周年建行(亞洲)紀念盃」龍舟賽，會有11支代表大灣區城市嘅隊伍出賽。

今年嘉年華唔止有得睇刺激嘅比賽，更加「有得食有得玩」。除咗會有6架美食車，今年仲新增16個美食攤位，旅發局節目及旅遊產品拓展總經理洪忠興(Mason)話畀Emily知，以往都有團體向局方反映可以更環保，所以今年嘉年華一大特點係加強環保措施，例如參加者可以畀30蚊按金租借一套餐具，每日有9000套供應。會場亦會有8至10組廢物分類嘅收集箱，及方便市民可自行斟水嘅水站。

可租餐具 設手作市集

今年嘉年華首辦嘅「港市集．港故事」本地手作市集，有46檔，售賣嘅都係充滿本土文化同集體回憶做主題嘅精品，其中有攤檔賣造型係舊式水壺、實際係一盞燈嘅懷舊物品，亦有好似巴士站咁嘅電話座。

更多港聞

鄉局兩副主席 至少5人爭 劉業強：競爭過後一團和氣

【明報專訊】新界鄉議局本周六舉行換屆選舉，提名期已經開始，現任鄉議局主席劉業強爭取連任，噚日喺一大班鄉紳陪同下報名參選。27個鄉事委員會嘅鄉... 詳情

美芬：從表情睇到 領事盼審例順利

【明報專訊】Emily噚日提過，立法會本周一邀請多國駐港總領事午宴及簡介會，經民聯梁美芬席間半講笑問德國駐港總領事林文禮（Dieter La... 詳情

人力拖電纜行山路 駁通隱世客家村

【明報專訊】電力係現代人生活不可或缺一環，但原來喺沙頭角禁區附近嘅荔枝窩入面，有兩條客家村落梅子林村同蛤塘村一度無電力供應；噚日兩條村終於重... 詳情

田二少清潔龍 扮陳偉霆講英文

【明報專訊】藝人陳偉霆一段以英文獨白嘅名牌宣傳片引起熱論，實政圓桌立法會議員田北辰、政府「清潔龍阿德」facebook專頁都緊貼潮流，製作短... 詳情

「西環拆天」之後 提示主席咪收音

【明報專訊】立法會《國歌條例草案》法案委員會主席、建制派「班長」廖長江早前主持緊會議時，私下同副主席張國鈞講，如果流會「西環實係拆天」，結果... 詳情