無懼雨夜 土力處掃描儀測量山泥傾瀉

土力工程處引入嘅手提激光掃描儀器，可以喺黑夜同降雨嘅環境下掃描山體形狀，評估災情，從而決定封路範圍。（土力處提供）

土力工程處斥資約110萬元，引入兩部手提激光掃描機，除咗操作不受環境光暗影響，掃描結果可顯示喺智能電話上，即時獲得測量結果。（曾憲宗攝）

【明報專訊】去年8月29日一場紅雨令多區水浸，其中粉錦公路近打石湖因山泥傾瀉全線封閉，多個部門全力搶修，最終趕及於9月3日開學日恢復單線雙程行車。土力工程處總土力工程師張秉業話，上年土力處引入手提激光掃描儀器，喺黑夜同降雨嘅環境下，仍可準確為塌山泥嘅山坡即時做測量工作，配合工程師嘅專業判斷，最終可以喺開學日局部解封粉錦公路。

VR模擬實景 增學員應變力

張秉業話，激光掃描喺外國並非新事物，外國執法部門會利用呢種技術掃描交通意外或罪案現場，即時鎖定證物位置，以作呈堂證供。土力處認為呢種技術可以應用喺測量工作，尤其喺黑夜都可以清晰掃描山體形狀，製作三維模型，計算山泥殘留喺斜坡上嘅體積，所以可以更快掌握災情，評估再發生山泥傾瀉時可能受影響嘅範圍，從而決定封路範圍。

除咗手提激光掃描技術，土力處上年同馬會災難防護應變教研中心合作，研發一套為培訓年輕土力工程師處理山泥傾瀉緊急事故嘅訓練方案，利用VR軟件製作仿真度高嘅模擬山泥傾瀉場景，將學員「置身」山泥傾瀉環境中，代替紙上談兵方式訓練，有學員話由於真實感提高，到現場處理山泥傾瀉事故時，應變能力會加強。

更多港聞

林大輝客串《鐵探》法官 陸續有來

【明報專訊】無綫最近播嘅電視劇《鐵探》引起唔少討論，前晚一集連政界人都有留意到，因為有一幕大家見到體育學院主席林大輝做埋法官、有對白，網上討... 詳情

休會前通過垃圾徵費 梁繼昌唔樂觀

【明報專訊】政府預料最快2020年底落實垃圾徵費，但自從舊年12月立法會成立法案委員會以來，至今只開咗5次會，距離立法會休會剩番兩個月左右，... 詳情

去年14公務員違紀遭免職

【明報專訊】負責就公務員聘任、晉升同紀律事宜向特首提供意見嘅公務員敍用委員會，近日發表2018年年度報告，透露去年就40宗公務員違紀個案提供... 詳情

第22屆校園記者﹕通宵趕製晚裝 學生時裝賽奪冠

【明報專訊】時裝設計師許麗青（Cindy）及林永鏗（Alan）開設的婚紗及晚裝品牌CINDYALAN舉辦「裁出天地亞洲時裝設計大賽——香港站... 詳情