「美麗傳承」下周日戰國際賽
[2019.04.23] 發表
【明報專訊】嚟緊星期日(28日)沙田馬場將舉行「富衛保險冠軍賽馬日」，會有3項國際一級賽上演。其中冠軍一哩賽會由莎莎國際控股主席郭少明嘅細仔郭浩泉(Patrick)所養嘅「美麗傳承」代表香港出戰。「美麗傳承」上季榮膺香港馬王同最佳一哩馬，今年更係浪琴表世界馬匹排名中，高踞首位嘅香港賽駒。郭少明話畀Emily知，「美麗傳承」呢個馬名係由太太改，希望將賽馬嘅興趣由佢傳畀兒子之餘，家族生意都可以傳畀個仔。
「美麗傳承」係Patrick首匹以個人名義所養嘅馬，佢話「美麗傳承」初到港時畀人睇死冇表現，但之後交出好表現，仲做埋馬王。郭少明就希望馬嘅經歷可以鼓勵到個仔，唔好因為起初表現唔好而失望，要好似馬咁有鬥心。
更多港聞
相關新聞
