「我好多謝我太太」 李家超唔擔心包二奶被移交
[2019.03.27] 發表
【明報專訊】政府提出修訂《逃犯條例》，其中一個憂慮係同「重婚」、「包二奶」有關，因為重婚都列入成為可移交嘅罪行。噚日保安局長李家超向傳媒簡介時，都有記者關注呢個問題。對於「包二奶」係咪犯法，局長就笑住話，「通姦係我老婆找我麻煩啫，唔係刑事罪」，而局長仲強調「我絕對冇呢個擔心」、「我好多謝我太太」，乘機向太太表白。
通姦係老婆找我麻煩啫，
唔係刑事罪
有傳媒早前報道，有商界中人擔心因為干犯重婚罪而被移交，又話內地「包二奶」已經係犯法。根據《侵害人身罪條例》，重婚罪最高可判處監禁7年，今次修例亦未有剔除。
李家超噚日簡介條例期間，就話都有問過律政司，「例如我有另一個(女伴)同居，算唔算(犯法)呢？」律政司副國際法律專員(司法互助)林美秀就解釋，因為香港要法律簽署先為之結婚，所以同另一人同居只屬通姦，如果海外結婚後，喺香港再註冊，先有可能犯重婚罪。李家超就笑住話，自己絕對冇呢個擔心，「我好多謝我太太」。
另外，特首林鄭月娥噚日兩度見記者，佢喺早上開行會前著碎花旗袍、外套配珍珠鏈，到下晝開記者會時，就改著粉紅色套裝，仲戴咗珍珠耳環。
更多港聞
【明報專訊】早前泰國小狗Heaven疑走失後誤坐貨櫃船抵港，被漁農自然護理署帶走，即日人道毀滅，引起唔少輿論爭議。署方同食物及衛生局長陳肇始...
詳情
【明報專訊】27個鄉事委員會今個月陸續改選領導層，主席、即係「鄉頭」會成為區議會當然議員，現為西貢北約鄉委會主席嘅李耀斌噚日喺無競爭下自動當...
詳情
相關新聞
