考評局出Sticker為考生打氣
[2019.03.14] 發表
【明報專訊】今屆中學文憑試(DSE)中文科口試已經開考，繼首日試題問點樣可以鼓勵青年去捐血，噚日其中一條考題，話「廣納民意、與民同樂、訪貧問苦」係提升政治領袖民望嘅方法，要考生依成效排優次。有網民講笑話當然係畀500蚊啦，有網民話其實三樣都無用，亦有網民覺得呢條題目好值得討論。
而考評局亦因應潮流，推出12款文憑試WhatsApp Stickers(貼圖)，例如「記得要準時」、「試場重地 勿拍照呃LIKE」等貼圖，請大家為身邊嘅考生打打氣。
考評局亦更新咗手機 App(HKDSE App)，應屆考生只要輸入考生編號、出生日期及登記電郵，就可以查閱個人考試日程，比起舊版本要逐科查閱方便。考評局秘書長蘇國生噚日同Emily講，個App已有超過1萬人下載，但佢提醒App提供嘅日程資料只作參考，唔可以當成真嘅考試證㗎！考評局又提醒，考生一定要準時到；口試時，無論喺預備室或走廊，都唔應該用電話。
更多港聞
曾收涉李東海校投訴 楊潤雄：已按程序處理 「印象中不涉人事問題」
【明報專訊】天水圍東華三院李東海小學教師林麗棠上周三（6日）在校內墮斃，有指她生前曾投訴校長羅婉儀。羅周一起休假，她的個人社交網站帳戶最新顯... 詳情
相關新聞
