民建聯抗議抹黑 美領館回贈發言稿
[2019.03.07] 發表
【明報專訊】美國駐港澳總領事唐偉康上月底分別喺電視節目同公開演說指出，香港去年發生連串政治事件，以致對高度自治有所憂慮，引起外交部駐港特派員公署提出嚴正交涉。民建聯10多名區議員同成員噚日冒住黃雨，去到美國駐港澳總領事館抗議，身兼觀塘區議員嘅青年民建聯主席顏汶羽批評，唐偉康言論係「抹黑一國兩制」，係不負責任同罔顧事實，話要強烈譴責。
斥唐偉康「抹黑一國兩制」
民建聯副主席、港區人代陳勇早前要求唐偉康向全港市民同全中國人道歉，唐偉康周一話佢嘅演講內容正面，唔覺得要為此道歉，着批評者應先理解佢發言嘅前文後理。民建聯噚日將請願信交畀領事館人員，對方就送上唐偉康2月27日引起風波嘅發言稿全文，唔知民記成員會唔會花少少時間細閱呢？
更多港聞
【明報專訊】香港年輕人有機會到甘肅敦煌石窟實習，由民政事務局同青年廣場主辦嘅「香港青年敦煌實習計劃」，由即日起招募香港大專院校學生，喺今年6...
詳情
【明報專訊】香港城市大學每年提供400多個政府資助副學位學額，來自建築學、屋宇裝備工程學等4個課程。質素保證局昨公布城大副學位部門質素核證報...
詳情
【明報專訊】有消息指深圳南方科技大學副校長滕錦光獲推薦出任香港理工大學新校長，最快於本月26日校董會會議通過任命。認識滕錦光多年的理大前校長...
詳情
相關新聞
