52頁《預算案》 43次提創科
[2019.02.28] 發表
【明報專訊】隨住中央喺粵港澳大灣區規劃提到香港要大力發展創新及科技事業，噚日財政預算案都用咗唔少篇幅講述創科，Emily統計後發現，喺多達2.6萬字、共有52頁嘅預算案演辭中，「創科」、「創新」字眼分別出現咗43次同27次。至於「大灣區」同「一帶一路」，就分別出現咗20次同11次，「內地」、「國家」分別出現24次同13次，「國際」就有30次。
印錯土地供應數 楔紙仔更正
除咗上述字詞，預算案文本今次出現嘅，仲有錯處。印刷版預算案第131段本來寫住，過去兩年政府透過出售土地、改劃土地用途、發展鐵路物業及市建局項目等措施，增加短期土地供應，計有149幅土地，可供興建10.08萬個單位。不過，預算案夾住一張「勘誤」小紙條，更正番該段提及嘅土地應該係78幅、可供興建約9.3萬個單位，似乎係印晒成本預算案之後先發現出錯，呢個錯誤都算罕見。
而網上版就已經更正為新版本，財爺讀出「78幅土地」時，語氣亦都特別強調，唔知係咪因為擔心讀錯舊版本呢？
更多港聞
【明報專訊】香港大學將於4月2日舉行學位頒授典禮，頒授名譽博士學位畀4名傑出人士，其中終審法院首席法官馬道立同終審法院常任法官李義，將獲頒授...
詳情
相關新聞
