年初五金多寶 1億
[2019.02.02] 發表
【明報專訊】下個星期就係農曆新年，想一踏入豬年就發財，今日起可以去投注站買六合彩新春金多寶。今次金多寶會喺年初五(2月9日)攪珠，估計頭獎基金有機會有1億元，係史上金額最高嘅新春金多寶攪珠，中咗就真係過肥肥肥年嘞！
Emily就做咗啲「功課」，睇番最近新春金多寶攪珠結果，睇吓有無啟示，原來過去5次新春金多寶，「35」號出現過3次，其中一次係特別號碼。再睇番過去兩次豬年新春金多寶攪珠，「22」號波同「36」號波就雙雙跑出；而過去5年嘅新春金多寶，亦有出現相連號碼，唔知大家又揀唔揀到心水號碼發個新年財呢？
更多港聞
相關新聞
