大南補選 「社區前進」李國權落場
[2019.01.30] 發表
【明報專訊】油尖旺區議會大南區補選將於3月24日舉行，民主派地區組織「社區前進」成員李國權噚日正式宣布參選，近40名街坊同民主派友好到場支持，並開始擺街站收集提名。對於選情，李國權承認建制派動員力同資源較強，相信要有高投票率先有勝算，但自己比起潛在對手、經民聯社區幹事李思敏喺區內工作時間更長，有信心爭取街坊支持。
九西連輸兩仗 望為泛民爭口氣
今次補選源於大南區原區議員、經民聯莊永燦去年因病離世，補選提名期由下月8至21日。本身係註冊社工嘅李國權，去年辭職投入地區工作，今次參選以「扎根大南，社區耕耘」為口號，形容做區最緊要勤力，希望同街坊團結改善社區，並同街坊一齊草擬政綱。
李國權話，由於「社區前進」唔係大政黨，只能靠自費同市民捐款籌備選舉工程。佢形容泛民喺立法會九龍西選區過去兩次補選落敗，令支持嘅市民灰心，希望藉今次補選為民主派「爭一口氣」，同時驗證民主派深耕細作嘅成果，並加強對年底區議會換屆選舉嘅決心。
更多港聞
【明報專訊】特首林鄭月娥早前大讚警隊社交媒體推廣成功，不同社交媒體平台共有逾20萬名追隨者，比佢嘅facebook專頁多3倍。警隊噚日公布，...
詳情
【明報專訊】浸信會沙田圍呂明才小學（沙呂小）去年被揭發澳洲交流團財務不清等問題，教育局長楊潤雄指出，當局經調查後，昨向沙呂小法團校董會發警告...
詳情
相關新聞
