混能石油氣的士到港
[2019.01.26] 發表
【明報專訊】全港有超過1.8萬架的士，豐田香港代理皇冠車行噚日宣布，正式引入新款豐田「Comfort Hybrid」混能石油氣的士，引擎由2000cc改為1500cc，引擎產生嘅動能會變為電力，令的士燃油效率由每公升行駛9.8公里，增至19.4公里，升幅有1倍。
混能的士車價32萬，比舊款的士貴5萬幾蚊，但皇冠汽車母公司、英之傑集團大中華地區行政總裁黃文麗好有信心，認為混能的士慳到油費，大概一年半載就回到本，估計今年內會有1000架喺路面行駛。
車行舊年引入咗10架混能的士試用，的士業議會主席熊永達話暫時表現良好，但業界擔心長遠維修費用唔知貴唔貴，唔少人都想睇定啲先。
更多港聞
相關新聞
