容海恩月底剖腹產女 中醫倡食多啲嘢「谷大BB」

容海恩個女月底就出世，BB牀已準備好，佢仲喺牀放咗幾隻佢至愛嘅「叮噹」公仔，話「叮噹朋友已經等緊BB出世啦！」（容海恩提供）

【明報專訊】新民黨副主席容海恩(Eunice)即將成為立法會首個任內生BB嘅議員，佢同Emily講陀緊個女，原本預產期係2月農曆新年，而佢就決定1月底喺聖德肋撒醫院剖腹生產，屋企亦都準備好BB牀，放埋Eunice至愛嘅「叮噹」公仔等阿女出世。

Eunice話，懷孕一大慘事係食唔到好多嘢，又要忍口。西醫話BB體型好正常，有5磅幾，但中醫就建議佢喺呢個月食多啲嘢「谷大個BB」，等BB出世之後健康啲。Eunice同丈夫、匯賢智庫政策顧問袁彌昌都係「高人」，Eunice透露超聲波相睇到BB女對腳都比一般BB長，未睇到個樣似爸爸定媽媽多啲，笑言係「一pat嘢咁」。

Eunice形容𠵱家仲未覺得自己係一個媽媽，但料將來管教BB會給予較大自由度，唔會太嚴，相信爸爸都係一樣。佢又講笑話，可能喺BB細細個嗰陣，就會畀佢知道社會嘅黑暗，亦唔會太保護佢。

改名方面，Eunice話個女要跟袁家族譜改名，會係「昌」字輩，Eunice話改名要留番畀老公決定，「佢文彩好啲」。

更多港聞

鬧市擺檔 廉署請飲咖啡賀45周年

【明報專訊】Emily跟唔少港人一樣都鍾意飲吓咖啡，但講到要去廉署飲咖啡，大家就走夾唔唞；今年適逢廉署45周年，以「誠果」作為活動主題信息，... 詳情

鱷魚皮手袋保不失 葉劉荷蘭遇電單車黨

【明報專訊】唔少政界中人去咗旅行迎接2019年，新民黨主席葉劉淑儀就同愛女遊覽摩洛哥、倫敦，仲首度踏足荷蘭，不過就喺呢個「聖誕跨年之旅」最後... 詳情

正副主席無房用 黃遠輝：好貼地

【明報專訊】土地供應專責小組喺除夕向政府交報告，主席黃遠輝同副主席黃澤恩分別62歲同70幾歲，喺政府總部西翼大堂企足80分鐘見記者，記者則坐... 詳情

學生十大新聞 山竹榜首 政事無揀

【明報專訊】學友社噚日公布「全港中學生十大新聞選舉」結果，逾7.5萬個中學生選出2018年十大新聞，超強颱風山竹襲港得票率約73.7%，拋離... 詳情

帶狗去寵物公園 鄺俊宇嫌配套少

【明報專訊】唔少康文署轄下公園都唔准動物進入，但噚日開始啟用6個「寵物共享公園」試點，容許寵物入園。一向關注動物議題嘅民主黨立法會議員鄺俊宇... 詳情