基哥搞集氣會 唔鬥人數
[2018.11.10] 發表
【明報專訊】九龍西立法會補選仲有兩個幾星期就投票，民主派支持嘅工黨李卓人同建制派力撐嘅陳凱欣，下星期分別搞造勢大會，參與嘅人數以百計。另一候選人馮檢基噚日發採訪通知，預告今日下晝會喺深水埗西九龍中心隔籬空地搞「集氣大會」。Emily向基哥了解規模，佢話唔係鬥大規模，最重要係表達政治理念、參政目標，嗰個空地只係放到50張櫈。
話最重要係表達政治理念
至於有咩人撐場，基哥就神神秘秘話到時就知，只係講無邀請民主派同建制派，而係喺九龍西?居民、義工群組度邀請大家到場「集氣」。佢話到時會講自己目標係希望香港同九龍西「撐住！重新好起來」，重申佢參選目標並唔係呢個所謂「關鍵一席」。
補選候選人仲有曾麗文同伍廸希。
更多港聞
相關新聞
