容海恩袁彌昌下月拉埋天窗 葉太：新民黨桃花旺

【明報專訊】現年41歲嘅新民黨立法會議員容海恩(Eunice)同該黨嘅政策總裁袁彌昌(Derek)傳出蜜運近大半年，兩人冇否認都冇承認，唔聲唔聲原來佢哋下個月就拉埋天窗喇！新民黨主席葉劉淑儀噚日向Emily證實咗喜訊，接受訪問時難掩興奮喜悅嘅情緒，重複咗兩次：「新民黨嫁女喇！」Derek則以短訊回覆稱「多謝！多謝！慢慢再同你傾」。

葉太話，袁彌昌上年先加入新民黨，話咁快就同 Eunice拍拖、結婚，所以「姻緣真係天注定」。佢話自己見證住兩個人拍拖，上個月收到邀請，兩人下個月結婚，大讚佢哋「郎才女貌，大家高度相近，年紀又相近，好登對！」被問到作為「家長」有咩要同兩人講，葉太話Derek一向好乖仔，Eunice同Derek拍咗拖之後，工作都好認真，「希望兩個選定咗對象，之後工作可以更努力，相信Derek會喺政策研究上幫到Eunice，希望兩個人互相補足」。會唔會叫佢哋早生貴子？葉太話呢啲事佢哋兩個討論啦。

袁彌明：無意見

葉太話自己唔係紅娘，而係新民黨桃花好旺，已經有6、7對人喺黨內結緣，笑言有意者可以加入新民黨沾沾桃花運。Emily噚日亦有問袁彌昌阿妹、人民力量前主席袁彌明(Erica)點睇呢頭婚事，包括與政見唔同嘅人做親戚擔唔擔心有爭拗，Erica禮貌回覆「無意見」。

更多港聞

馮敬恩上維基「名單」被參選

【明報專訊】區議會選舉明年11月底先舉行，各大政黨已摩拳擦掌部署。維基百科最近刊登一份聲稱係2019年區選有意參選者名單，但就得啖笑，甚至有... 詳情

鄭泳舜聘少數族裔助理

【明報專訊】3．11補選後晉身立法會嘅民建聯鄭泳舜（Vincent）係該黨少數族裔委員會主席，Emily查閱立法會議員開支，發現佢請咗一個少... 詳情

邵家臻發「英雄帖」 邀食環署長體驗拾荒

【明報專訊】食環署近年被批評執法時欠缺同理心，上星期六旬拾荒者「蘭姐」被食環署職員票控喺公眾地方棄置垃圾，蘭姐則自稱只因「一次拎唔到咁多」，... 詳情

工聯拜會新民黨 「長遠盼合作」

【明報專訊】新民黨主席葉劉淑儀噚日喺facebook出post，透露上星期五工聯會會長吳秋北帶住幾名高層來到新民黨，同新民黨高層會面。葉太引... 詳情

新同盟飲星洲再生水 范國威：仲生勾勾

【明報專訊】新民主同盟幾名區議員早前分別隨所屬區議會去新加坡考察，了解當地嘅水資源管理、海水化淡技術及「再生水」應用等。咩叫「再生水」？就係... 詳情