【明報專訊】膠手套拉幾長先會斷？吹幾脹先會爆？藝術家伍啟豪周圍搜尋熱愛做無聊實驗嘅市民，探求生活上嘅極限，仲製作成展覽?體驗項目。

「火花！耍樂是青年」展覽噚日開幕，其中展品《物理極限》透過拉力、壓力同熱力測試勞工膠手套嘅物理極限，投射現實生活中拉扯吹脹嘅底線。觀眾可以即埸做實驗，感受一下壓力嘅極限。

今次展覽用「玩樂」做創作軸心，策展人邀請咗6個活躍?唔同創作領域嘅藝術家，將展覽空間轉化為充滿互動嘅耍樂場，激活大家嘅幽默感、活力同感官。今次參展嘅藝術家本身都係貪玩嘅人，創作上各有唔同出發點，都以「過癮好玩」咁吸引觀眾嘅好奇心，期望觀眾能夠明白青春唔係指年齡，而係勇於去玩嘅心境。

展覽由噚日開始至9月9號，上午10時至晚上8時(逢星期一上午10時至下午2時休息；公眾假期除外)， ?油街實現展覽廳1舉行，免費入場。