公民黨黨慶 湯家驊難得「回巢」

公民黨黨魁楊岳橋（前左）噚日喺黨慶酒會上同「師父」兼前黨友湯家驊（前右）輕鬆寒暄，言談甚歡，唔知可唔可以「大和解」呢？

【明報專訊】公民黨噚晚喺九龍灣舉行12周年黨慶籌款酒會同晚宴，主題係「赤子之心，拾義同行」，雖然無邀請政府官員，但到場政界人物都星光熠熠，包括各大建制派政黨代表同立法會主席梁君彥等，退黨後一直同公民黨唔太咬弦嘅行會成員湯家驊亦畀面出席，仲同黨魁楊岳橋寒暄幾句，表現友好。

晚宴噚日筵開近40席，黨員都施展渾身解數，跳舞唱歌娛賓。國家主席習近平上台後一直提倡「中國夢」，公民黨主席梁家傑噚日就高唱羅文嘅《中國夢》寄意，話唔接受犧牲人民權利自由去完成習近平嘅中國夢，佢希望習會聽到呢首《中國夢》，亦希望習嘅中國夢「圓滿一啲」。

田少捐82年Lafite

傑哥形容，12年唔係好長時間，但套落𠵱家嘅香港，其實香港已經「變到阿媽都唔認得」。公民黨噚晚未有公布總籌款數字，但自由黨榮譽主席田北俊就捐出一支1982年嘅Lafite紅酒，最終3萬元成交。噚日晚宴又播放黨員嘅角色扮演短片，用電影橋段諷刺政府土地房屋政策，同時推銷該黨提倡嘅物業空置稅。

更多港聞

新民黨黨慶晚會又撞期 葉太﹕下年同公民黨夾下

【明報專訊】新民黨噚晚舉行7周年黨慶酒會，特首林鄭月娥、政務司長張建宗聯同一眾主要官員都有出席。林太之前出席民主黨黨慶晚宴，因為捐咗3萬蚊贊... 詳情

徐英偉自爆曾幫人捉手機賊

【明報專訊】民主黨立法會議員許智峯喺周二立法會一地兩檢委員會期間，喺未得同意下，搶走女行政主任手上嘅手機，走入男廁瀏覽手機內容後先歸還。勞工... 詳情

胡紅玉續掌競委會 陳家強新加入

【明報專訊】政府昨日公布競爭事務委員會任命，已經做咗5年主席嘅胡紅玉繼續獲委任做主席，政府仲委任咗9個新委員，包括卸任咗財經事務及庫務局長、... 詳情