「專心仰望上帝」 趙佩玉朝九晚九祈禱

新界東候選人趙佩玉（左一）噚日喺立法會門外朝九晚九為選情「祈禱」，及「專心仰望上帝」，其助選團帶埋豎琴及號角，一邊彈奏一邊為佢打氣。（李紹昌攝）

新界東候選人方國珊（綠衣者）噚日把握最後機會四出拉票，佢話自己競選資源有限，好多時候都係得佢一個人「嗌咪」。（馮凱鍵攝）

【明報專訊】噚日3個補選選區嘅候選人都馬不停蹄拉票，其中自稱「將一切交畀上帝」嘅新界東候選人趙佩玉，就喺立法會門外朝九晚九「祈禱」，佢嘅助選團亦帶埋豎琴及號角，一邊彈奏一邊為佢打氣。

一直有《聖經》傍身嘅趙佩玉話，早前已做晒拉票工作，如貼海報、派單張等，噚日就要專心仰望上帝，因為所有嘅資源都係佢畀嘅。趙佩玉又話，聽到好多信主嘅朋友要投自己一票，覺得好開心，之後即場同競選團隊唱番首詩歌讚美主。

陳玉娥謝絕採訪

至於再戰新界東嘅候選人陳玉娥，噚日就冇公布選舉拉票行程，為免拉票工作受到阻礙，佢唔接受傳媒採訪。

另一邊廂，第五次參選嘅新界東候選人方國珊噚日四出拉票，佢話自己喺地區工作有10年，上屆選舉只係差1000票而落選，證明實力較其他候選人好，希望市民「全家總動員」投佢一票。

港島選區候選人任亮憲就同一班年輕人喺街頭「dem cheers」拉票，佢話參選全靠實力，自己無黨無派，即使資源上有差距，但認為選民眼睛係雪亮嘅，對選情有信心。

更多港聞

張超雄剃鬚準備迎泛民當選

【明報專訊】自從去年有4個民主派人士被法庭褫奪立法會議員資格後，原本只有兩撇鬚嘅工黨立法會議員張超雄（圖）就開始臉頰留鬚，話目的係每日提醒自... 詳情

道教日展國寶級《張果見明皇圖》

【明報專訊】每年3月第二個禮拜日都係「香港道教日」，今年道教日嘅活動包括「中華文化古書畫冊‧圖畫展」，噚日起一連五日喺沙田大會堂展覽廳舉行，... 詳情

李焯芬讚專注 饒公80年如一日

【明報專訊】一代國學大師饒宗頤上月辭世，發展局長黃偉綸噚日發表網誌，提及早前相約港大饒宗頤學術館館長李焯芬到饒宗頤文化館，緬懷饒公不凡嘅一生... 詳情

禮賓府周日開放

【明報專訊】禮賓府周日（18日）舉行開放日，政府新聞處昨公布詳情，禮賓府當日上晝10點至下晝5點開放，市民可以入去花園同小庭園賞花，包括盛放... 詳情

六度參賽 答應癌師為校爭光 印裔生英語演講奪冠報師恩

【明報專訊】「你知道很緊張的時候，雙腿是會顫抖的嗎？」印度裔的成智健對於第一次上台參加英語演講比賽的心情記憶猶新。因為演講，讓原本自卑的他重... 詳情