鄭泳舜造勢「星閃閃」 姚松炎多謝民主黨

九龍西補選候選人、民建聯鄭泳舜（紅衣啡褲）噚晚舉行造勢晚會，多名前高官同建制派重量級人馬出席，一字排開撐場，場面星光熠熠。（鍾林枝攝）

姚松炎（左三）噚日同民主黨多名成員，包括涂謹申（左一）、袁海文（左二）、胡志偉（右一起）、黃碧雲及林卓廷，喺黃埔舉行大型聯合街站，呼籲市民支持民主派。（馮凱鍵攝）

【明報專訊】立法會補選仲有唔夠兩個星期就舉行，各大陣營嘅候選人已經開始最後階段嘅宣傳工作，搞造勢大會密密拉票。噚日九龍西兩名主要候選人民建聯鄭泳舜及民主派姚松炎分別舉行大型街站宣傳，前者再次搵嚟多個重量級建制派站台，後者就搵咗多個民主黨議員一齊拉票。

曾德成譚志源為鄭站台

鄭泳舜噚晚嘅造勢會星光熠熠，有久未露面嘅民政事務局前局長曾德成、新任港區人代譚志源、保安局前局長黎棟國、食衛局前局長高永文、立法會前主席曾鈺成，仲有民建聯主席李慧琼、經民聯立法會議員林健鋒同梁美芬，以及新民黨容海恩等。各人呼籲市民投票支持鄭泳舜，話佢可以為市民服務。

黃碧雲：盼姚重返並肩處理議題

姚松炎聯同多名民主黨黨員一齊喺黃埔宣傳，姚話好多謝民主黨嘅全力支持，呼籲市民支持自己，令佢可以重返議會。民主黨立法會議員黃碧雲話，民主派需要姚松炎返入議會，指佢3月入番議會後，仍然趕得切同泛民並肩作戰，處理一地兩檢同國歌法等議題。民主黨袁海文呼籲大家一定要喺3月11日投票支持民主派，希望爭取泛民全取4席。

九龍西另一候選人係蔡東洲。

更多港聞

贊成公僕延遲退休 林卓廷讚葉太青春

【明報專訊】公務員及資助機構員工事務委員會噚日開會討論延長公務員退休年齡嘅建議，唔同黨派議員都表示歡迎。民主黨林卓廷發言時話，香港人健康好咗... 詳情

馬會同樂日 有機會策騎小馬

【明報專訊】復活節假期就到，香港賽馬會近年都喺呢個時間舉行「同心同步同樂日」，有適合一家大細嘅活動畀市民參加，例如有馬術場地障礙賽示範、可以... 詳情

梁卓偉續任港大醫學院長

【明報專訊】噚日有傳媒報道，香港大學醫學院院長梁卓偉獲續約5年，係醫學院首個獲續約嘅院長，港大噚日舉行傳媒春茗，署任校長譚廣亨都證實消息，仲... 詳情

學校未必上載文件 大多僅中文 融樂會指非華語資助監察難

【明報專訊】政府早年為中小學提供額外經常撥款，協助非華語學生過渡至主流中文學習，每個學年的總撥款額約2億元。香港融樂會發現，油尖旺、元朗和東... 詳情

城大共融周 再生勇士開個展

【明報專訊】香港城市大學由昨天至3月1日舉行城大共融周活動，有咖啡拉花、手語和點字工作坊等，予有特殊教育需要（SEN）學生和其他學生參加，盼... 詳情