娥姐繑手拉票 侯志強驚被誤會

立法會新界東補選候選人陳玉娥（左）噚日現身鄉議局大樓，神神秘秘，當佢一見到上水鄉事委員會主席侯志強（右）時即時繑住侯，又一度匿喺侯背後避鏡頭。（何宛兒攝）

【明報專訊】鄉議局噚日舉行新春團拜，有立法會新界東補選候選人現身，到場同各個建制派及鄉事打招呼。好似西貢區議員方國珊，就喺胸口掛埋自己個候選人編號2號牌仔出席，儼如落區宣傳。問到係咪嚟拉票，方國珊就話唔係，只係喺附近拉完票過嚟同朋友打招呼。

自稱「網絡紅人」嘅陳玉娥就一早喺鄉議局大樓嘅大堂守候，團拜完結後，佢即刻繑住上水鄉委會主席侯志強嘅手，但就唔係好願意上鏡。侯志強顯得尷尷尬尬，但都好有風度，幫娥姐擋住記者，但佢就叫娥姐唔好繑佢，因為擔心被人誤會，甚至被人話性騷擾，侯志強及後更要食煙定驚。

一向直腸直肚嘅侯志強噚日都有回應大年初二香港同沙田兩籤調轉事件，笑言有佢喺度就唔會亂，因為佢好眼利。至於認唔認同係車公安排，佢就話咩人都好，做人最緊要有擔當，男人要有強勁嘅臂彎同膊頭。

新界東其他候選人包括黃成智、范國威、鄧家彪同趙佩玉。

更多港聞

汪阿姐成功爭取 八和搞西九「開台」表演

【明報專訊】八和會館噚日喺尖沙嘴舉行新春團拜，主席汪明荃（汪阿姐）請嚟特首林鄭月娥同前特首梁振英（CY）到場。林太同CY碰面時輕輕打個招呼，... 詳情

草間彌生《南瓜》 中區海濱有得睇

【明報專訊】維港附近最近多咗個景點，因為「藝遊維港Harbour Arts Sculpture Park」噚日正式揭幕，喺中西區海濱長廊至灣... 詳情

中總4月大灣區論壇 請粵港澳政要赴會

【明報專訊】中華總商會噚日舉行新春團拜，會長蔡冠深乘機講吓商會大計。蔡冠深過去積極推動香港同東盟合作，嚟緊一年就會落力推動一帶一路及大灣區發... 詳情

中大民主女神現「英雄梁天琦」字句

【明報專訊】中文大學近大學港鐵站嘅民主女神像，噚日畀人發現底座寫咗「香港英雄梁天琦」嘅字句，未知道係咩人寫。中大話，就中大民主女神像被塗鴉，... 詳情