浸大副院長籲撤普通話畢業要求 哲學人何啟明引《理想國》挑機

【明報專訊】浸會大學學生要讀普通話先可畢業事件，成為「哲學」爭論。浸大校方舊年新增普通話豁免測試，及格就唔使讀普通話，不過豁免試只有三成人及格，致有學生抗議評分準則唔透明。噚日浸大文學院副院長、宗哲系教授羅秉祥(小圖)喺網上撰文，呼籲取消普通話畢業要求，但就惹起「晚輩」工聯會立法會議員何啟明挑機，質疑教授叫人唔讀普通話嘅哲學邏輯。

羅秉祥指學生無學習動機

本身係浸大宗哲系教授嘅羅秉祥相信，同學唔及格唔係因為佢哋不思進取，而係無學習動機，滿腔負面情緒，雖然浸大用心良苦，但不合時宜，政治氣候大變，令讀普通話嘅畢業要求唔受歡迎。佢話，如果大批同學帶住怨憤上普通話堂，好難想像可以順利進行，對師生都是折磨。

中大哲學系畢業嘅何啟明就喺網上回應，唔能夠認同羅秉祥嘅觀點，話大家都喺哲學嘅小圈子，相信會認同學生要有基本能力，應付社會挑戰，而普通話就係呢項能力，佢又舉例，哲學人要對柏拉圖嘅《理想國》有理解，唔會因時代轉變而妥協，「無可能因為你考試肥佬而唔使你考囉。教咗書咁多年，你無理由唔知囉」。

同為工聯會嘅陸頌雄亦留言附和，話「他作為一個哲學系教授，他的邏輯能力相當令人驚訝」。陸話如果考試帶來負面影響，會影響學習動機，就應該取消所有考試喇。

更多港聞

一國兩制中心倡中英街做邊境購物街

【明報專訊】新田購物城都仲未開，又有人提議興建新嘅邊境購物設施。一國兩制研究中心噚日發表咗份研究報告，建議港深合作活化中英街，發展成邊境購物... 詳情

新田購物城2月3日試業

【明報專訊】新田購物城籌備近3年，終於都有試業日期。有份籌辦購物城、人稱象哥嘅民建聯立法會議員黃定光話暫定2月3日（周六）試業，目前已經有一... 詳情

英泳手環港島游籌款 文翠珊表揚

【明報專訊】為咗籌款協助外傭及基層學生學習游泳嘅居港英籍泳手Simon Holliday，去年11月無間斷游水12小時32分，完成環繞香港島... 詳情

睇好高鐵通車後市場 郵輪公司淡季辦團

【明報專訊】本港郵輪旺季一向集中每年暑假至11月，但皇家加勒比國際遊輪公司首次喺今年淡季，即5、6月搞郵輪團，公司華南及香港區銷售及市場總監... 詳情

海洋公園再辦歌酒節 有ToNick陳柏宇

【明報專訊】海洋公園將於復活節期間推出夜間美酒佳餚活動，由3月10日至4月2日、一連四個周末同復活節假期舉行10日「歌酒節2018」，市民可... 詳情