碧雲同麗芸 為「走咗佬」三個字嗌霎
[2018.01.16] 發表
【明報專訊】立法會政制事務委員會噚日開會，討論政府推廣《基本法》工作。泛民議員把握機會提起高鐵「一地兩檢」嘅法律爭議，話中央官員等人話一地兩檢無違反基本法，香港大律師公會就話有，要求出席嘅政制及內地事務局長聶德權解釋，應該跟邊一方去詮釋基本法。民主黨黃碧雲就話因為咁，基本法愈來愈難教，好同情教育界，又批評政府一直無講清楚一地兩檢嘅法律基礎，形容辭職嘅前律政司長袁國強「走咗佬」，擔心立法會將通過違反基本法嘅條例。
呢個時候，多次喺不同會議上與黃碧雲鬥嘴嘅民建聯蔣麗芸(Ann姐)就話，「走咗佬」呢三個字有好多唔同意思，要求黃碧雲澄清袁國強只係辭職唔做。黃碧雲就企硬話唔需要澄清，Ann姐繼續話佢「咁用呢啲字眼非常不智，佢作為大學講師」，繼續要求對方澄清。主持會議嘅委員會主席廖長江就話，議員有自由決定是否澄清。
更多港聞
【明報專訊】煤氣除可用作製熱煮食外，亦應用於抽濕和空調等範疇，煤氣公司與職業訓練局聯合開辦全港首個燃氣工程專業文憑課程，讓建造業等相關行業的...
詳情
【明報專訊】香港華仁書院（港華）計劃轉制直資，但部分校友和番禺會所華仁小學（華小）教師則持反對意見，雙方一直隔空對罵。香港華仁轉直資關注組昨...
詳情
相關新聞
