通州街重建搞「時裝基地」
[2018.01.10] 發表
【明報專訊】俗稱「棚仔」嘅深水埗欽州街臨時布販市場兩年幾前起面臨清拆，政府噚日宣布獲市建局通過出租通州街一個重建項目嘅5層商業平台，成立「設計及時裝基地」，實用面積大概3.8萬呎，交畀香港設計中心負責營運，培育新晉時裝設計師。
附近「棚仔」商販料無緣遷入
Emily留意到，時裝基地同「棚仔」位置好近，問到會唔會喺基地安置「棚仔」嘅商販，商務及經濟發展局長邱騰華話，食環署研究緊「棚仔」嘅搬遷安排，會繼續同商販傾，不過基地嘅目標同服務對象與「棚仔」唔同，意味住「棚仔」商販搬入基地機會好渺茫。
市建局通州街重建項目喺2023/24年度落成，邱騰華話希望好似上環PMQ(元創方)咁，以優惠價租畀新嘅設計師，又吸引買家、採購公司去嗰度，創造合作商機。佢又透露政府打算將基地發展做深水埗嘅景點，同緊旅發局傾，下半年開始加強宣傳。旅發局主席林建岳話歡迎成立基地，旅發局今年另一大型項目將推廣深水埗特色，時裝係推廣重點之一。
新晉設計師初創機會
政府下周會去區議會簡介時裝基地嘅計劃，文件指出，新晉設計師可以喺基地展出作品、開發初創事業，甚至推出設計品牌，亦可以同社區嘅批發、零售活動配合，成為全港具特色嘅時裝設計焦點。設計中心主席嚴志明希望基地可以做培育工作同共享工作空間，亦會同學術界、業界組織連繫。
更多港聞
【明報專訊】近年的士服務令到唔少市民覺得好遺憾同好不幸，為咗加強規管同改善的士服務質素，政府噚日公布消息，成立「的士服務質素委員會」，一共有...
詳情
理大研10分鐘辨藥材真偽 是否野生亦可分 化驗成本減九成
【明報專訊】市面不時有劣質或假冒中藥材，香港理工大學研發快速鑑別方法，可分辨靈芝和天麻等約10種中藥材的真偽，另可分辨中藥材屬人工栽培還是野... 詳情
【明報專訊】香港大學民意研究計劃聯同香港專業教育網昨日發表本港最佳大學和校長排名榜，「最佳大學校長」是剛離任的中大校長沈祖堯，科大則被評為「...
詳情
【明報專訊】《施政報告》提及將於今年中成立「兒童事務委員會」，聚焦處理兒童成長中面對的問題，屆時將由政務司長張建宗擔任主席。勞工及福利局建議...
詳情
相關新聞
