質疑裁判官short咗 何君堯：fair comment
[2018.01.06] 發表
【明報專訊】退休警司朱經緯喺2014年佔領運動期間，以警棍襲擊途人，周三被判囚3個月。當日凌晨，立法會議員何君堯就喺facebook發文，話「近排怪事多籮籮」，質疑「有些裁判官對輕微犯錯的執法人員，就重判入獄三個月監，而對衝擊立法會造成刑事破壞的滋事分子，則輕判社會服務令！」「是否Short咗呀？」
佢噚日同Emily講，任何人都可以被批評，「特首又批評得，美國總統又批評得，點解法官唔可以批評」。佢覺得，用「short short 哋」形容該案嘅裁判官係fair comment(公允評論)，裁判官應該縱觀成件事，當時中環、金鐘都有地方被佔領、癱瘓，警察喺呢個情况用警棍都好合理。佢又質疑，律政司係咪呢啲「雞毛蒜皮」嘅事都要告，批評律師司「要承擔去做嘅嘢唔承擔」，佢講緊嘅係佔領人士嘅案件，遲遲都未處理。何君堯話，希望新任律政司長上任後再「睇睇朱經緯係咪應該告」。
更多港聞
相關新聞
