「做完要做嘅嘢先」 袁國強避談請辭
[2017.12.21] 發表
【明報專訊】律政司長袁國強(圖)將喺月內請辭嘅消息已經傳咗好耐，佢噚日出席立法會司法及法律事務委員會前，被追問係咪已經交咗辭職信，佢淨係話現階段無補充。咁幾時有消息公布呢？佢就話：「我諗做完我要做嘅嘢先啦。」有傳官場中人已收到同袁國強食餞別飯嘅邀請，佢噚日離開立法會被問到相關問題，就淨係講咗句「Bye Bye」就匆匆離開。
特首林鄭月娥之前被問到袁國強去向，都只係答﹕「今日律政司長仍然係袁國強。」仲係司長嘅袁國強噚日喺會上透露，檔案法諮詢報告初稿已經完成，如果得到法律改革委員會同意，就會展開諮詢。
更多港聞
學生排隊過閘機 自動消毒手腳 VTC生設計消毒站獲獎
【明報專訊】不少學校為防傳染病，會在上學前為學生消毒雙手，在職業訓練局（VTC）轄下學院就讀產品設計的學生黃澤宇，憑畢業作品「移動消毒站」，... 詳情
相關新聞
