議員同小朋友立會齊唱聖誕歌
[2017.12.16] 發表
【明報專訊】立法會噚日再舉行午間音樂表演，搵咗一班小朋友去立法會大樓唱聖誕歌。呢個音樂會令唔少議員可以鬆一鬆，因為連日嚟審議《議事規則》嘅修訂，令大家都好攰。
除咗主席梁君彥、「實政圓桌」田北辰等建制派議員出席，泛民主派都有議員忙裏偷閒去同小朋友一齊唱歌，包括教育界葉建源、公民黨楊岳橋同民主黨林卓廷等。
聽下小朋友唱歌的確可以減吓壓。小朋友唱嘅Jingle Bells響徹整座大樓，同一時間會議廳就「子彈橫飛」，民主派為咗抵抗修改《議事規則》喺會上示威，當時朱凱廸就係喺Jingle Bells嘅歌聲下畀保安抬離場。
更多港聞
【明報專訊】踏入大學嘅考試季節，繼香港大學嘅古代牧羊犬Jasper同埋科技大學嘅金毛尋回犬Oscar擔任治療犬，幫學生減減壓，城市大學日前同...
詳情
【明報專訊】沙田區議會內11個民主派區議員成立咗一個地區組織「沙田區政」，希望凝聚區內民主派力量，特別係畀一班獨立議員可以加強合作。
...
詳情
相關新聞
