忙睇症 陳沛然缺席立會解畫
[2017.11.24] 發表
【明報專訊】建制派提出修改議事規則，立法會大會係重要嘅戰場，泛民呢兩日會議都有人提出點人數，結果會議噚日流會收場，流會一刻，泛民只有民主黨鄺俊宇在場，建制派則有幾個人唔在場。泛民、建制會後互相指摘，而醫學界議員陳沛然噚日亦缺席會議，事後好認真解釋點解缺席，仲向公眾道歉。
陳醫生解釋，每逢星期四佢都會喺公立醫院工作，噚日早上做胃鏡同睇糖尿專科門診，一個上午3小時內要睇30幾個症，雖然忙，陳醫生都「感恩」有15分鐘食午餐同寫道歉稿，下晝繼續工作幫病人做大腸鏡檢查。佢話噚日有3個前線醫生病咗請假，亦有高層醫生要開會，佢呢啲中層醫生要幫手頂住。佢話要以病人為先，唔可以、亦唔會喺病人門診中和檢查中途離開醫院，所以未能趕返立法會。
更多港聞
【明報專訊】民建聯噚日舉辦年度漢字評選，畀市民揀選覺得最能代表2017年嘅漢字，今年嘅候選字包括「貴、樓、公、新、回、智、判、風、創、民」，...
詳情
世界中文報業協會年會金邊舉行 談一帶一路與華文地位
【明報專訊】由各地中文報業機構組成嘅世界中文報業協會，噚日喺柬埔寨首都金邊舉行第50屆年會，來自全球67家媒體嘅代表共商華文報業發展。本屆年... 詳情
兒遭擲籃球衝突父兩度報警 校方：爭執不涉欺凌 已處分輔導
【明報專訊】位於將軍澳的匯知中學一名中二男生，上月在課室遭同學用籃球擲中，本周二再與同學爭執時遭推倒在地，男生父親因而兩度報警，兩度帶兒子到... 詳情
相關新聞
