WWF太陽能咖啡車請市民飲番杯 需填問卷 送環保杯

本周四起，WWF嘅太陽能流動咖啡車會到各區請市民飲咖啡，令市民感受吓太陽能喺生活上嘅應用。WWF噚日搵咗立法會議員陳淑莊（中）同朱凱廸（右）率先試飲。（蘇智鑫攝）

【明報專訊】為推動社區應用可再生能源，世界自然基金會香港分會(WWF)本周四(23日)起駕駛太陽能流動咖啡車，到各區免費請市民飲咖啡，市民幫手填寫問卷，就可獲贈一杯由太陽能發電製作嘅咖啡或茶，以及環保水杯一隻。

呢部流動咖啡車嘅車頂安裝咗3塊共330瓦嘅太陽能板，產生嘅電力會儲喺兩組共240安時(Ah)嘅鋰電池內，為車內嘅熱水煲、水泵等電器供電，每次出勤可連續運作最多6小時，無太陽嘅時候仍然可以運作，為市民送上熱騰騰嘅環保咖啡。

倡回購電價初期定較高水平

流動咖啡車本月23日起至明年3月，到教育大學、愉景灣、科技大學及銅鑼灣羅素街行人專用區等地方出勤，令市民感受太陽能喺生活上嘅應用。世界自然基金會香港分會助理項目經理杜珮煒話，政府與兩電喺4月簽訂新《管制計劃協議》，引入「上網電價」，電力公司會出價回購市民投資可再生能源所產生嘅電力，惟政府仍未公布詳情。WWF建議推行「上網電價」初期，將回購電力價格定於較高水平，例如每度電4元，鼓勵市民參加，以8至10年回本期為目標，相信會有足夠吸引力推動社區發展太陽能。

更多港聞

海港城聖誕亮燈

【明報專訊】仲有差唔多一個月就到聖誕節，噚日尖沙嘴海港城舉行聖誕亮燈儀式，除咗有好多燈飾睇，現場仲發放漫天紙碎，配合剛剛變涼嘅天氣，營造節日... 詳情

職訓局增10高級文憑 首推跨學科課程 科技金融結合

【明報專訊】應屆DSE考生現在考慮報讀明年升學課程，職業訓練局（VTC）將於2018至2019學年新增10個高級文憑課程，其中4個為首次推出... 詳情

港大劍橋合推計劃 5年可獲3學位

【明報專訊】香港大學與劍橋大學於2018至2019學年推出「香港大學-劍橋大學本科收生計劃（工程學及計算機科學）」，在該學年入讀港大工程學院... 詳情

VTC太陽能電動車下月展出

【明報專訊】職業訓練局（VTC）將在新學年開辦10個新高級文憑課程。VTC昨日再介紹學生組成的VTC SOPHIE太陽能電動車車隊，電動車將... 詳情

教大學生會3日活動談性

【明報專訊】教育大學學生會與香港愛滋病基金會合作，由今天至星期四（23日）一連3日在校內舉行性教育活動。學生會指香港主流文化一直避而不談性工... 詳情