為導盲犬協會籌款 田大少二少互餵雪糕
[2017.09.23] 發表
【明報專訊】田北俊(田大少)噚日喺facebook上載短片，話畀「薯片叔叔」(前財政司長曾俊華)「挑機」做Ice Cream Challenge，為導盲犬協會籌款；田大少於是搵埋細佬立法會議員田北辰(田二少)互餵甜筒，外界成日話佢兩個政見唔同，今次佢哋只係用咗40秒就完成任務，為咗做善事，果然合拍。
「我都成70歲人，從來未餵過我細佬(食)雪糕」，田大少喺片中同田二少去到細個讀書嘅拔萃男書院完成呢個任務，兩個加埋百幾歲，玩起上嚟好落力，除咗要蒙住雙眼，仲要一隻手放喺背後，然後互餵，過程中，見到佢哋「毫不留情」，起勢塞個甜筒去對方口中，被對方搞到成面雪糕都無所謂，之後仲各自再搵3個朋友接力參與，希望為導盲犬協會籌到更多捐款。
更多港聞
【明報專訊】香港一直致力發展郵輪業，有唔少郵輪都會以香港做母港，皇家加勒比國際郵輪「海洋航行者號」同「海洋贊禮號」就分別喺唔同季節，以香港同...
詳情
相關新聞
