林鄭上月搬入禮賓府 搞活動招呼後生仔

特首林鄭月娥（前左三）早幾日喺禮賓府招待百幾個年輕人，仲同佢哋圍圈分享，原來林太上月底已經搬咗入禮賓府住。（林鄭月娥facebook圖片）

【明報專訊】一直喺香港無置業嘅特首林鄭月娥，自從今年初辭任政務司長後，一直租住灣仔嘅服務式公寓，即使梁振英卸任特首後，禮賓府都要翻新一下，所以林太未有立即搬入去。上任咗兩個月，林太噚日就喺facebook透露，原來佢上個月底已經搬咗入禮賓府住喇。

禮賓府除咗係特首同家人住嘅地方，亦不時用嚟招呼外賓，林太喺fb話早幾日喺禮賓府第一次舉行大型活動，招待百幾個加入咗18區青年網絡嘅後生仔女，同佢哋傾吓偈。由相片可見，除咗林太外，副民政事務局長陳積志，以及同林太有幾分似樣嘅特首辦常任秘書長丁葉燕薇亦都喺度，唔知班年輕人分唔分到林太同丁太呢？

林太話當日交流氣氛熱烈，大家踴躍就青年嘅「三業三政」(學業、事業、置業；議政、論政、參政)發言，期待未來同年輕人有更多交流機會。

另外，林太噚日喺特首辦同國家首席大法官、最高人民法院院長周強會面，佢歡迎周強來港出席「第四屆海峽兩岸暨香港澳門司法高層論壇」，又感謝一直以來對兩地司法協助工作，以及香港作為亞太區國際法律及爭議解決服務中心嘅支持。

更多港聞

哈囉喂到 又嚟瞓棺材

【明報專訊】入屋見到殭屍同血，又到玩鬼屋嘅季節喇！今年海洋公園哈囉喂有鬼屋以中世紀做背景。玩家聽完巫師嘅指示，入咗棺材，感受完生葬之後，就會... 詳情

市民寄畫像笑話IQ題 為13子打氣

【明報專訊】反東北發展案13名社運人士和「雙學三子」被覆核刑期及判囚，民主派過去多個星期都邀請市民為這批「良心犯」寫信。融樂會創辦人王惠芬（... 詳情

英語班標榜外籍導師 澳洲華人任教講粵語

【明報專訊】消費者委員會接獲不少涉及培訓課程或興趣班的投訴，有投訴人報讀英語課程，標榜「外籍導師」教授，但上課時發現導師是華人，上課八成時間... 詳情

有心人水族贈群育學校 學生雀躍

【明報專訊】經歷遷校爭議的群育學校大嶼山東灣莫羅瑞華學校將於2019年遷到屯門新校舍，有不少有心人盼學生「早享受」，即使在東灣的日子餘下兩年... 詳情

刀口餘生小學 積榖防饑求存

【明報專訊】下學年是升小學人數高峰，但2019/20學生驟跌1.2萬人，曾在「殺校」邊緣的新會商會學校，其校長呂錦強盼政府能趁小一生陸續減少... 詳情