民記調查：近三成人無運動

[2017.08.17] 發表

【明報專訊】平日大家有無跑步做吓Gym咁呢？民建聯早前就香港市民嘅運動習慣做調查，發現大部分人雖然明白運動對健康嘅重要，但運動量普遍仍然不足，受訪嘅663人中，近三成人完全無運動習慣，只有22.7%受訪市民每周運動時間達3小時或以上。

民建聯於今年7月14至24日，以電話隨機抽樣訪問咗663名12歲或以上市民，發現有28.3%受訪者無運動習慣，喺無運動嘅受訪者中，最主要原因係無時間而唔運動，佔近五成，其他原因分別係無朋友陪同埋無地方；受訪者中，有逾四成人表示不滿政府喺推動體育發展方面嘅工作。民建聯深水埗區議員鄭泳舜就建議，政府可以參考醫療券嘅做法推出運動券，鼓勵市民參與政府或受政府認可嘅康樂活動同課程，推動更多市民做運動。