技術員耳測過山車 緊張不能叫

[2017.07.24] 發表

【明報專訊】唔少人愛玩機動遊戲，喺刺激同歡樂背後，全賴一班技術員每日仔細檢查，確保設施安全。海洋公園機動遊戲技術員廖正榮話，做技術員需要乘坐機動遊戲測試運作，即使緊張都唔可以叫喊，因為要專心「耳測」。

34歲嘅廖正榮接受政府新聞網訪問，話佢主要負責維修同保養過山車「動感快車」，佢需要乘坐過山車測試運作係咪正常，仲要專心「耳測」。若聽到雜音，即代表螺絲可能鬆脫，需要重新檢查以策安全。廖正榮又憶述6年前返工無耐，就要試坐過山車測試，日子耐咗已習慣，唔再感到害怕。

技術員每日都要攀高爬低，徹底檢查機動遊戲各個組件，例如查看車輪與路軌嘅接駁位係咪順暢、螺絲有無鬆脫等。公園晚上關門後，佢哋亦要為遊戲機做保養工作，例如塗上潤滑油。

更多港聞

【明報專訊】前身係監獄署嘅懲教署今年易名35周年，政務司長張建宗噚日發表網誌，話自己早前出席咗懲教署嘅紀念活動，仲幫最近該署同慈善團體合作經... 詳情